ಅಂಗನವಾಡಿ ಕಟ್ಟಡ ನಿರ್ಮಾಣ ಶೀಘ್ರ

ಅಥಣಿ ತಾಲೂಕಿನ ಯಕ್ಕಂಚಿ ಗ್ರಾಮದ ಕೋಕಳೆ ತೋಟದ ವಸತಿ ಪ್ರದೇಶದಲ್ಲಿ ೨೦ ಲಕ್ಷ ರೂ. ಮೊತ್ತದಲ್ಲಿ ಅಂಗನವಾಡಿ ಕೇಂದ್ರ ೨೯ರ ಕಟ್ಟಡ ಕಾಮಗಾರಿಗೆ ಶನಿವಾರ ಭೂಮಿಪೂಜೆ ನೆರವೇರಿಸಿ ಮಾತನಾಡಿದ ಅವರು, ಅಂಗನವಾಡಿ ಕಟ್ಟಡ ನಿರ್ಮಾಣ ಗ್ರಾಮಸ್ಥರ ಬಹುದಿನದ ಬೇಡಿಕೆಯಾಗಿತ್ತು. ತಾಲೂಕಿನಲ್ಲಿ ಕಟ್ಟಡ ಇಲ್ಲದಿರುವ ಅಂಗನವಾಡಿ ಪರಿಶೀಲಿಸಿ ಶೀಘ್ರ ಕಾಮಗಾರಿ ಪ್ರಾರಂಭಿಸಲಾಗುವುದು. ರಸ್ತೆ, ಚರಂಡಿ, ವಿದ್ಯುತ್, ಕುಡಿಯುವ ನೀರು ಸೇರಿ ಮೂಲಸೌಕರ್ಯ ಒದಗಿಸಲು ಅನುದಾನ ಬಿಡುಗಡೆಗೊಳಿಸುವಂತೆ ಶಾಸಕ ಲಕ್ಷ್ಮಣ ಸವದಿ ಮುಖ್ಯಮಂತ್ರಿ ಸಿದ್ದರಾಮಯ್ಯಗೆ ಪ್ರಸ್ತಾವ ಸಲ್ಲಿಸಿದ್ದಾರೆ ಎಂದು ತಿಳಿಸಿದರು.

ಎಸ್‌ಡಿಎಂಸಿ ಅಧ್ಯಕ್ಷ ಬಸಯ್ಯ ಪೂಜಾರಿ, ಗ್ರಾಪಂ ಸದಸ್ಯ ಶಂಕರ ರಾಮತೀರ್ಥ, ತುಕಾರಾಮ ಗೊಂದಳೆ, ಬಸಪ್ಪ ಹೊಕ್ಕುಂಡಿ, ಅಡಿವೆಪ್ಪ ಪಿಡಶೆಟ್ಟಿ, ತಮ್ಮಾಸಾಹೇಬ ನಾಗನೂರ, ಅಣ್ಣಾಸಾಬ್ ಪಿಡಶೆಟ್ಟಿ, ಎಸ್.ಡಿ. ಮಸಲಕರ, ಪರುಶರಾಮ ಲಾಂಡಗೆ, ಟಿ.ಬಿ. ಶೇಡಬಾಳ, ರಾವಸಾಬ್ ಗಡದಿ ಇತರರಿದ್ದರು.