ಅಂಬೇಡ್ಕರ್ ಕೇವಲ ಒಬ್ಬ ನಾಯಕ ಅಲ್ಲ, ಅವರು ಒಂದು ಶಕ್ತಿ

ಬೆಳಗಾವಿ : ಮಹಿಳೆಯರ ಸಬಲೀಕರಣ, ಮಕ್ಕಳ ಶಿಕ್ಷಣ, ಎಲ್ಲರಿಗೂ ಗುಣಮಟ್ಟದ ಬದುಕು ಇವು ಡಾ.ಬಾಬಾ ಸಾಹೇಬ ಅಂಬೇಡ್ಕರ್ ಅವರ ಉದ್ದೇಶವಾಗಿತ್ತು. ಅವರು ಕೇವಲ ಒಬ್ಬ ನಾಯಕ ಅಲ್ಲ, ಅವರು ಒಂದು ಶಕ್ತಿ, ಅವರು ಒಂದು ಚಳವಳಿ. ಪ್ರತಿಯೊಬ್ಬ ಭಾರತೀಯನ ಆಶಾಕಿರಣ ಎಂದು ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಸಚಿವೆ ಲಕ್ಷ್ಮೀ ಹೆಬ್ಬಾಳಕರ್ ಹೇಳಿದ್ದಾರೆ.

ಬೆಳವಟ್ಟಿ ಗ್ರಾಮದಲ್ಲಿ ಮಹಾ ಮಾನವತಾವಾದಿ, ಸಂವಿಧಾನ ಶಿಲ್ಪಿ, ಮಹಾನಾಯಕ ಡಾ. ಬಿ.ಆರ್. ಅಂಬೇಡ್ಕರ್ ಅವರ ನೂತ‌ನ ಮೂರ್ತಿಯನ್ನು ಅನಾವರಣಗೊಳಿಸಿ ಅವರು ಮಾತನಾಡುತ್ತಿದ್ದರು.

ಇಂದು ಉದ್ಘಾಟಿಸಿದ್ದು ಕೇವಲ ಡಾ.ಬಾಬಾಸಾಹೇಬ ಅಂಬೇಡ್ಕರ್ ಮೂರ್ತಿಯಲ್ಲ, ಅದೊಂದು ಶಕ್ತಿ, ಸರ್ವ ಭಾಷೆ, ಸರ್ವ ಜಾತಿ ಎಲ್ಲರಿಗೂ ಸಮಾನ ಅವಕಾಶ, ಸಮಾನ ಹಕ್ಕು ನೀಡಿದ, ವಿಶ್ವದಲ್ಲೇ ಶ್ರೇಷ್ಟ ಸಂವಿಧಾನ ನೀಡಿದ್ದು ವಿಶ್ವ ರತ್ನ ಅಂಬೇಡ್ಕರ್ ಅವರು. ಆಗಿನ ಸಂದರ್ಭ ಹೇಗಿತ್ತು ಎನ್ನುವುದನ್ನು ನಾವೆಲ್ಲ ತಿಳಿದಿದ್ದೇವೆ. ಅಂತಹ ಸಂದರ್ಭದಲ್ಲೇ, ಪ್ರಜಾಪ್ರಭುತ್ವದ ಭಗವದ್ಗೀತೆ, ಭಾರತೀಯ ಪ್ರಜಾಪ್ರಭುತ್ವದ ಶಕ್ತಿ ಸಂವಿಧಾನವನ್ನು ನೀಡಿದ್ದಾರೆ. ಮಹಿಳೆಯರಿಗೆ ಅಧಿಕಾರದ ಅವಕಾಶ ನೀಡಿದ್ದು ಅವರು ನೀಡಿದ ಸಂವಿಧಾನ. ನಾವೆಲ್ಲ ಅವರ ಜೀವನ ಆದರ್ಶಗಳನ್ನು ಪಾಲಿಸಬೇಕು ಎಂದು ಹೇಳಿದರು.

ಯುವರಾಜ ಕದಂ, ಬಾಳು ದೇಸೂರಕರ, ಮಲ್ಲೇಶ ಚೌಗಲೆ, ಮನೋಹರ ಬೆಳಗಾಂವ್ಕರ್, ಮಹೇಶ ಕೊಲಕಾರ, ವಾಯ್.ಪಿ.ನಾಯಿಕ್, ಡಿ.ಎನ್.ದೇಸಾಯಿ, ನಾರಾಯಣ ನಲವಡೆ, ಮಧು ನಲವಡೆ, ಸಂತೋಷ ಕಾಂಬಳೆ, ದಸ್ತಗೀರ್ ಮಲಿಕಾರ, ಸುಧಾಕರ ಭೌದ್, ಜಯವಂತ ಬಾಳೆಕುಂದ್ರಿ, ಮಧುಕರ ಜಾಧವ್, ಬಿ.ಬಿ‌. ದೇಸಾಯಿ, ಭುಜಂಗ ಗಾಡೇಕರರೇಖಾ ನಾಯಿಕ, ಗೌತಮ ಪಾಟೀಲ, ಸಾತೇರಿ ಚೌಗುಲೆ ಮೊದಲಾದವರು ಉಪಸ್ಥಿತರಿದ್ದರು.