ಏಕಕಾಲಕ್ಕೆ ಎರಡು ಕಡೆ ಕಾಮಗಾರಿ

ಇಲ್ಲಿನ ಅನಗೋಳದಲ್ಲಿ 4ನೇ ರೈಲ್ವೆ ಗೇಟ್‌ಗೆ ಕೆಳಸೇತುವೆ ನಿರ್ಮಿಸುವ ಕಾಮಗಾರಿ ಕಳೆದ ತಿಂಗಳಿನಿಂದ ಆರಂಭಗೊಂಡಿದೆ. ಅದು ಇನ್ನೂ ಪ್ರಗತಿಯಲ್ಲಿದೆ. ಖಾನಾಪುರ ರಸ್ತೆ-ಉದ್ಯಮಬಾಗದಿಂದ ಅನಗೋಳ ಸಂಪರ್ಕಿಸುವ ರಸ್ತೆ ಬಂದ್ ಆಗಿದೆ. ಈಗ 3ನೇ ರೈಲ್ವೆ ಗೇಟ್ ಮೇಲ್ಸೇತುವೆ ರಸ್ತೆ ದುರಸ್ತಿ ಕಾಮಗಾರಿಗಾಗಿ ಬಂದ್ ಮಾಡಲಾಗಿದೆ. ಈ ಭಾಗದ ಎರಡು ಪ್ರಮುಖ ರಸ್ತೆಗಳು ಏಕಕಾಲಕ್ಕೆ ಬಂದ್ ಆಗಿದ್ದರಿಂದ ನಿತ್ಯ ಓಡಾಡುವವರು ಪರದಾಡುತ್ತಿದ್ದಾರೆ.

ವಡಗಾವಿ, ಖಾಸಬಾಗ, ಅನಗೋಳ, ಯಳ್ಳೂರ ಭಾಗದಿಂದ ಉದ್ಯಮಬಾಗ, ಮಜಗಾವಿ, ಪೀರನವಾಡಿ ಭಾಗದಲ್ಲಿರುವ ಕಾರ್ಖಾನೆಗಳಿಗೆ ಕೆಲಸಕ್ಕೆ ಹೋಗುವವರು ಹೆಚ್ಚು ಓಡಾಡುತ್ತಾರೆ. ಜತೆಗೆ ಖಾನಾಪುರ ಭಾಗದಲ್ಲಿ ಸರ್ಕಾರಿ ಕೆಲಸಗಳಿಗೆ, ವಿಶ್ವೇಶ್ವರಯ್ಯ ವಿಶ್ವವಿದ್ಯಾಲಯಕ್ಕೆ ಹೋಗುವವರು ಇದೇ ಭಾಗದಲ್ಲಿ ಮನೆ ಮಾಡಿಕೊಂಡಿದ್ದಾರೆ. ಆದರೆ, ಈಗ ಇವರೆಲ್ಲ ಎರಡ್ಮೂರು ಕಿಮೀ ಅಂತರ ತಲುಪಲು 8-10 ಕಿಮೀ ಕ್ರಮಿಸಬೇಕಾಗಿದೆ. ಕಾಂಗ್ರೆಸ್ ರಸ್ತೆ ಮತ್ತು 2ನೇ ರೈಲ್ವೆ ಗೇಟ್ ಮೂಲಕವೇ ಓಡಾಡಬೇಕಿದೆ.

3ನೇ ರೈಲ್ವೆ ಗೇಟ್‌ನ ರಸ್ತೆ ಮೇಲ್ಸೇತುವೆ ದುರಸ್ತಿ ಈ ಮುಂಚೆಯೇ ಆಗಬೇಕಿತ್ತು. ಆದರೆ, ಅನುದಾನ ಬೇಗ ಬರಲಿಲ್ಲ. ಅನುದಾನ ಬಂದಾಗ ಮಳೆ ಬಿಡುವು ಕೊಡಲಿಲ್ಲ. ಹೀಗಾಗಿ ಈಗ ಆರಂಭಿಸಿದ್ದಾರೆ.

ಕಾಂಗ್ರೆಸ್ ರಸ್ತೆ ಮೇಲೆ ಒತ್ತಡ: ಈಗ 1 ಮತ್ತು 2ನೇ ರೈಲ್ವೆ ಗೇಟ್‌ಗಳ ಮೂಲಕ ಓಡಾಡುವ ವಾಹನಗಳ ಸಂಖ್ಯೆ ಹೆಚ್ಚಾಗಿದ್ದು, ಕಾಂಗ್ರೆಸ್ ರಸ್ತೆಯ ಮೇಲೆ ಒತ್ತಡ ಹೆಚ್ಚಾಗಿದೆ. ನಿತ್ಯದ ಓಡಾಟಕ್ಕಿಂತ ವಾಹನಗಳ ದಟ್ಟಣೆ ಮೂರು ಪಟ್ಟು ಹೆಚ್ಚಾಗಿದೆ.

"