ಬೆಳಗಾವಿ: ಡೀಸೆಲ್ ಟ್ಯಾಂಕ್ ಸ್ಫೋಟಗೊಂಡು ಟೋಲ್ ಪ್ಲಾಜಾದಲ್ಲಿ ಹೊತ್ತು ಉರಿದ ಲಾರಿ! Toll plaza

Toll plaza : ಟೋಲ್​ ಪ್ಲಾಜಾ ಮೂಲಕ ಹಾದು ಹೋಗುವಾಗ ಲಾರಿಯೊಂದರ ಡೀಸೆಲ್​ ಟ್ಯಾಂಕ್​ ಸ್ಫೋಟಗೊಂಡು ಸ್ಥಳದಲ್ಲೇ ಹೊತ್ತಿ ಉರಿದ ಆಘಾತಕಾರಿ ಘಟನೆ ಬೆಳಗಾವಿಯಲ್ಲಿ ನಡೆದಿದೆ.

ನಿಪ್ಪಾಣಿ ಪಟ್ಟಣದ ಹೊರವಲಯದಲ್ಲಿರುವ ಪೂನಾ-ಬೆಂಗಳೂರು ರಾಷ್ಟ್ರೀಯ ಹೆದ್ದಾರಿ-48ರ ಕೋಗನೊಳ್ಳಿ ಟೋಲ್ ಪ್ಲಾಜಾದಲ್ಲಿ ಈ ಘಟನೆ ನಡೆದಿದೆ. ಲಾರಿ ಪಾಸ್ ಆಗುವ ವೇಳೆ ಡೀಸೆಲ್​ ಟ್ಯಾಂಕ್ ಬಸ್ಟ್ ಆಗಿ ಬೆಂಕಿ ಹೊತ್ತಿಕೊಂಡಿತು. ಈ ವೇಳೆ ಹಣ ಸಂಗ್ರಹ ಮಾಡುವ ಎರೆಡು ಕ್ಯಾಬಿನ್​ಗೆ ಅಗ್ನಿ ಆವರಿಸಿಕೊಂಡಿತು.

ಇದನ್ನೂ ಓದಿ: ರೇಂಜ್​ ರೋವರ್​ ಕಾರಿನಲ್ಲಿ ಹೊರಟು ಕೆನಿಶಾ ಮನೆ ಬಾಗಿಲು ತಟ್ಟಿದ ನಟ ರವಿ ಮೋಹನ್​! Ravi Mohan

ಬೆಂಕಿ ಆವರಿಸುತ್ತಿದ್ದಂತೆ ಘಟನಾ ಸ್ಥಳದಲ್ಲಿದ್ದ ಟೋಲ್​ ಸಿಬ್ಬಂದಿ ತಕ್ಷಣ ಅಲ್ಲಿಂದ ಓಡಿ ಜೀವ ಉಳಿಸಿಕೊಂಡಿದ್ದಾರೆ. ಅದೃಷ್ಟವಶಾತ್ ಈ ಘಟನೆಯಲ್ಲಿ ಯಾವುದೇ ಪ್ರಾಣ ಹಾನಿ ಸಂಭವಿಸಿಲ್ಲ. ಸ್ಥಳಕ್ಕೆ ಅಗ್ನಿಶಾಮಕ ದಳ ಆಗಮಿಸಿ, ಬೆಂಕಿ ನಂದಿಸುವಲ್ಲಿ ಯಶಸ್ವಿಯಾಯಿತು.

ಲಾರಿ ಹೊತ್ತಿ ಉರಿಯುತ್ತಿದ್ದ ದೃಶ್ಯವನ್ನು ಹೆದ್ದಾರಿಯಲ್ಲಿ ಹೋಗುತ್ತಿದ್ದ ಪ್ರಯಾಣಿಕರೊಬ್ಬರು ತಮ್ಮ ಮೊಬೈಲ್​ನಲ್ಲಿ ಸೆರೆಹಿಡಿದಿದ್ದು, ಸಾಮಾಜಿಕ ಜಾಲತಾಣದಲ್ಲೂ ಹರಿದಾಡುತ್ತಿದೆ. ಲಾರಿ ಸಂಪೂರ್ಣ ಸುಟ್ಟು ಕರಕಲಾಗಿದೆ. ವಾಹನದ ಅವಶೇಷಗಳನ್ನು ತೆರವುಗೊಳಿಸಿ, ಸುಗಮ ಸಂಚಾರಕ್ಕೆ ವ್ಯವಸ್ಥೆ ಮಾಡಿಕೊಡಲಾಗಿದೆ.

https://www.vijayavani.net/this-is-my-advice-to-them-dhonis-comments-on-vaibhav-suryavanshi

https://www.vijayavani.net/cm-siddaramaiah-reaction-on-sbi-manager-who-showed-arrogant-on-kannada