ಮೋಸ ಹೋಗುವುದು ಹೇಗೆ?: ಭಾರತದಲ್ಲಿ 600ಕ್ಕಿಂತ ಹೆಚ್ಚು ಲೋನ್ ಆ್ಯಪ್ಗಳಿದ್ದು, ಇವುಗಳಿಗೆ ಆರ್ಬಿಐ ಮಾನ್ಯತೆ ಇಲ್ಲ. ಇವುಗಳು ಪ್ಲೇಸ್ಟೋರ್ನಲ್ಲಿ ಲಭ್ಯ ಇವೆ. ಹೆಚ್ಚಿನ ಆ್ಯಪ್ಗಳು ಇನ್ಸ್ಟಾಲ್ ಮಾಡುವಾಗ ಕಾಂಟಾಕ್ಟ್, ವಿಡಿಯೋ ಕ್ಯಾಮರಾ ಸಹಿತ ಹಲವು ಅನುಮತಿಗಳನ್ನು ಕೇಳುತ್ತವೆ. ನಂತರ ಸಣ್ಣಪ್ರಮಾಣದ ಸಾಲ ಅಂದರೆ 3 ಸಾವಿರ ರೂ. ಅಥವಾ 5 ಸಾವಿರ ರೂ. ಹಣ ನೀಡುತ್ತಾರೆ. ಹಿಂತಿರುಗಿಸುವಾಗ ಶೇ.30ರಿಂದ 60 ಬಡ್ಡಿ ವಿಧಿಸಿ ಸಾಲ ಚುಕ್ತ ಮಾಡಲು ಹೇಳುತ್ತಾರೆ. ಸಾಲ ಹಿಂದಿರುಗಿಸದೆ ಇದ್ದಲ್ಲಿ ಕ್ರೆಡಿಟ್ ರೇಟ್ ಕಡಿಮೆಯಾಗುತ್ತದೆ ಎಂದು ಸಂಸ್ಥೆಗಳು ಬ್ಲಾೃಕ್ಮೇಲ್ ಮಾಡುತ್ತವೆ. ಮೊಬೈಲ್ಗಳಿಂದ ಚಿತ್ರಗಳನನು ಕದ್ದು, ಅಶ್ಲೀಲ ಚಿತ್ರಗಳಾಗಿ ಮಾರ್ಫಿಂಗ್ ಮಾಡಿ ಪರಿಚಯಸ್ಥರಿಗೆ ಕಳುಹಿಸುವುದಾಗಿ ಬೆದರಿಕೆ ಹಾಕುತ್ತಾರೆ. ವಂಚನೆ ಕೇಸು ದಾಖಲಿಸುವುದಾಗಿಯೂ ಹೇಳುತ್ತಾರೆ. ಕೆಲವೊಮ್ಮೆ ನಕಲಿ ಎಫ್ಐಆರ್ ಕಳುಹಿಸುತ್ತಾರೆ. ಮುಂದೆ ನಿಮಗೆ ಬ್ಯಾಂಕ್ ಸಾಲ ಸಿಗುವುದಿಲ್ಲ ಎಂದು ಹೆದರಿಸುತ್ತಾರೆ. ಹಾಗಾಗಿ ಯಾರೂ ಇಂತಹ ಆ್ಯಪ್ ಡೌನ್ಲೋಡ್ ಮಾಡಬಾರದು. ಯಾವುದೇ ಆ್ಯಪ್ಗೂ ಕಾಂಟಾಕ್ಟ್, ವಿಡಿಯೋ- ಫೋಟೊ ನೋಡಲು ಅನುಮತಿ ನೀಡಬಾರದು ಎಂದು ಕಮಿಷನರ್ ಶಶಿಕುಮಾರ್ ಸಲಹೆ ನೀಡಿದ್ದಾರೆ.
