ಇತ್ತೀಚಿನ ದಿನಗಳಲ್ಲಿ ಪ್ರಾಧಿಕಾರ ನಡೆಸಿದ ಮೇಳ ಮೇಳದಲ್ಲಿ ನೂರಾರು ಮಂದಿ ಫ್ಲ್ಯಾಟ್/ ವಿಲ್ಲಾ ಖರೀದಿಸಿದ್ದರು. ಇವುಗಳ ಪೈಕಿ ಸುಮಾರು 400 ಮಂದಿಗೆ ಕ್ರಯಪತ್ರ ನೋಂದಾಯಿಸಿ ಕೊಡುವುದು ಬಾಕಿ ಇದೆ. ಇಂತಹವರಿಗೆ ಕ್ರಯಪತ್ರ ವಿತರಿಸುವ ಸಂಬಂಧ ಸೆ.30ರ ಒಳಗಾಗಿ ಸ್ವತ್ತುದಾರರು ತಮ್ಮ್ಲಾ ಫ್ಲ್ಯಾಟ್ / ವಿಲ್ಲಾಗೆ ಸಂಬಂಧಿಸಿ ಆಧಾರ್ ಕಾರ್ಡ್, ಪಾನ್ ಕಾರ್ಡ್ ಸ್ವಯಂ ದೃಢೀಕರಣ ಪತ್ರ, ಬ್ಯಾಂಕ್ ನಿರಾಪೇಕ್ಷಣಾ ಪತ್ರ, ಫೋಟೋ ಹಾಗೂ 3 ಸಂಖ್ಯೆಯ ಭಾವಚಿತ್ರವನ್ನು ಪ್ರಾಧಿಕಾರಕ್ಕೆ ಸಲ್ಲಿಸಬೇಕಿದೆ. ಜತೆಗೆ ಖರೀದಿಸಲಾದ ಫ್ಲ್ಯಾಟ್/ ವಿಲ್ಲಾಗಳ ಮೊತ್ತದಲ್ಲಿ ಬಾಕಿ ಉಳಿಸಿಕೊಂಡಿದ್ದಲ್ಲಿ ಆ ಹಣವನ್ನೂ ಪಾವತಿಸಿ ಹಂಚಿಕೆ ಪತ್ರ ಸಹಿತ ಎಲ್ಲ ದಾಖಲೆಗಳನ್ನು ಒದಗಿಸಬೇಕು ಎಂದು ಬಿಡಿಎ ಅಧಿಕಾರಿಗಳು ಕೋರಿದ್ದಾರೆ.
