ಪ್ರತಿ ಅಧಿಕಾರಿ ತಾನು ಲಾಗಿನ್ ಮಾಡಿದ ದಿನದಿಂದ 3 ದಿನದೊಳಗೆ ಅರ್ಜಿ ನಿರ್ವಹಿಸಬೇಕು. ಈ ಹಂತದಲ್ಲಿ ತಡವಾದರೆ ಲಾಗಿನ್ನಲ್ಲಿರುವ ಇತರ ಅರ್ಜಿಗಳನ್ನು ತೆಗೆದುಹಾಕಿ, ಇತರರಿಗೆ ಹಂಚಲಾಗುತ್ತದೆ. ಅಧಿಕಾರಿ ತಾನು ಲಾಗಿನ್ ಮಾಡಿದ 36 ಗಂಟೆಗಳೊಳಗೆ ಕನಿಷ್ಠ ಒಂದು ಅರ್ಜಿ ನಿರ್ವಹಿಸಬೇಕು. ಈ ಗಡುವು ಮೀರಿ ಹೋದರೆ, ಆ ಅರ್ಜಿಯೂ ಹಿಂಪಡೆಯಲಾಗುತ್ತದೆ ಮತ್ತು ವಲಯ ಜಂಟಿ ಆಯುಕ್ತರ ವಿಶೇಷ ಅನುಮೋದನೆಯಾಗದ ಹೊರತು ಅರ್ಜಿಗಳ ಹಂಚಿಕೆ ಆಗುವುದಿಲ್ಲ. ಮರುಹಂಚಿಕೆಯಾಗುವ ಅರ್ಜಿಗಳಿಗೆ ಇದೇ ನಿಯಮ ಅನ್ವಯಿಸಲಾಗುತ್ತದೆ. 2ನೇ ಲಾಗಿನ್ನಲ್ಲೂ 3 ದಿನದೊಳಗೆ ಅರ್ಜಿ ನಿರ್ವಹಣೆಯಾಗದಿದ್ದರೆ, ವಲಯ ಮಟ್ಟದ ವಿಶೇಷ ತಂಡಕ್ಕೆ ಮರುಹಂಚಿಸಲಾಗುತ್ತದೆ. ಇದನ್ನು ಉಪ ಆಯುಕ್ತರು, ಜಂಟಿ ಆಯುಕ್ತರು, ವಲಯ ಆಯುಕ್ತರು ಮತ್ತು ಕಂದಾಯ ವಿಭಾಗದ ವಿಶೇಷ ಆಯುಕ್ತರು ನೇರವಾಗಿ ಮೇಲ್ವಿಚಾರಣೆ ಮಾಡುತ್ತಾರೆ.
