ಪ್ರಸಕ್ತ ಸಾಲಿನ ಪಾಲಿಕೆಯು 6,256 ಕೋಟಿ ರೂ. ಆಸ್ತಿ ತೆರಿಗೆ ಸಂಗ್ರಹಿಸುವ ಗುರಿ ಹೊಂದಿದೆ. ಇದಕ್ಕೆ ಎದುರಾಗಿ ಮಂಗಳವಾರದವರೆಗೆ (ಜು.15) ಶೇ.47 ಪ್ರಮಾಣದಷ್ಟು ಟ್ಯಾಕ್ಸ್ ವಸೂಲು ಮಾಡಿದೆ. ಕಳೆದ ವರ್ಷ 5,210 ಕೋಟಿ ರೂ. ಗುರಿಗೆ ಎದುರಾಗಿ 4,930 ಕೋಟಿ ರೂ. ತೆರಿಗೆ ವಸೂಲು ಮಾಡಲಾಗಿತ್ತು. ಇದು ಪಾಲಿಕೆ ಇತಿಹಾಸದಲ್ಲಿ ಈವರೆಗೆ ಅತಿ ಹೆಚ್ಚಿ ಆಸ್ತಿತೆರಿಗೆ ಸಂಗ್ರಹಿಸಿದ ದಾಖಲೆಯಾಗಿತ್ತು. ಕಳೆದ ಸಾಲಿನಲ್ಲಿ ಬಾಕಿ ವಸೂಲಿಗಾಗಿ ಜಾರಿ ಮಾಡಿದ್ದ ಒಂದು ಬಾರಿ ಇತ್ಯರ್ಥ ಯೋಜನೆ (ಒಟಿಎಸ್) ಮೂಲಕ ಹೆಚ್ಚು ತೆರಿಗೆ ವಸೂಲಾಗಿತ್ತು. ಈ ಬಾರಿ ಒಟಿಎಸ್ ಇಲ್ಲದ ಕಾರಣ ಒಂದಿಷ್ಟು ಪ್ರಮಾಣದಲ್ಲಿ ಕಡಿಮೆಯಾಗಿದೆ ಎಂದು ಪಾಲಿಕೆ ಅಧಿಕಾರಿಗಳು ತಿಳಿಸಿದ್ದಾರೆ.
