ಜಲಾಶಯಕ್ಕೆ 4.10 ಲಕ್ಷ ಕ್ಯೂಸೆಕ್ನಷ್ಟು ಒಳಹರಿವು ಇರುವುದರಿಂದ ಮುಂಜಾಗ್ರತಾ ಕ್ರಮವಾಗಿ 4.06 ಲಕ್ಷ ಕ್ಯೂಸೆಕ್ ನೀರನ್ನು ನದಿಗೆ ಹರಿಸಲಾಗುತ್ತಿದೆ. ಸದ್ಯ ಡ್ಯಾಮ್ನಲ್ಲಿ 22ಟಿಎಂಸಿ ಅಡಿ ನೀರಿದೆ. ತಾಲೂಕಿನಲ್ಲಿ 57 ಕಿಮೀ ಉದ್ದ ನದಿ ಹರಿಯುತ್ತಿದ್ದು, 28ಗ್ರಾಮಗಳಲ್ಲಿ ನೆರೆಹಾವಳಿ ಭೀತಿ ಶುರುವಾಗಿದೆ. ಲಿಂಗದಹಳ್ಳಿ, ಬಾಗೂರು, ಗೋಪಾಲಪುರ, ಹೂವಿನಹೆಡಗಿ, ಜೋಳದಹೆಡಗಿ, ದೊಂಡಂಬಳಿ, ಕರಕಿಹಳ್ಳಿ, ಕೋಣಚಪ್ಪಳಿ, ಕೊಪ್ಪರ, ಮ್ಯಾದರಗೊಳ, ಯಾಟಗಲ್, ಗೂಗಲ್ ಸೇರಿ ವಿವಿಧ ಗ್ರಾಮಗಳ ರೈತರ ಜಮೀನಿಗೆ ನೀರು ನುಗ್ಗಿದೆ. ಸುಮಾರು 2 ಸಾವಿರ ಹೆಕ್ಟೇರ್ ಪ್ರದೇಶದಲ್ಲಿ ಬೆಳೆದ ಹತ್ತಿ, ಮೆಣಸಿನಕಾಯಿ, ತೊಗರಿ, ಭತ್ತದ ಬೆಳೆಗಳು ನೀರಿಗೆ ಕೊಚ್ಚಿ ಹೋಗಿದೆ.
