ಕುಂಟುತ್ತ ಸಾಗಿದ ಬೊಮ್ಮಾಯಿ ಕನಸಿನ ಯೋಜನೆ

ಶಿವಾನಂದ ಹಿರೇಮಠ ಗದಗ

ಸಂಸದ ಬಸವಾರಜ ಬೊಮ್ಮಾಮಿ ಅವರ ಕನಸಿನ ಕುಡಿಯುವ ನೀರಿನ ಯೋಜನೆ ಕುಂಟುತ್ತ ಸಾಗಿದೆ. 2024 ಆಗಸ್ಟ್​ ತಿಂಗಳಲ್ಲೇ ಮುಗಿಯಬೇಕಿದ್ದ ಈ ಯೋಜನೆ ಇನ್ನೂ ಶೇ. 40 ರಷ್ಟು ಕಾಮಗಾರಿ ಬಾಕಿ ಇದ್ದು ಇನ್ನೂ ಒಂದು ವರ್ಷ ಮುಗಿಯುವ ಲಕ್ಷಣಗಳು ಕಾಣುತ್ತಿಲ್ಲ. ಸಿಎಂ ಆಗಿದ್ದ ಸಂದರ್ಭದಲ್ಲಿ ಹಾವೇರಿ ಜಿಲ್ಲೆಯ 291 ಗ್ರಾಮಗಳಿಗೆ 600 ಕೋಟಿ ವೆಚ್ಚದಲ್ಲಿ ಈ ಯೋಜನೆ ಆರಂಭಿಸಲಾಗಿತ್ತು. ಇನ್ನೂ ಹಲವಡೆ ಮುಖ್ಯ ಪೈಪ್​ ಲೈನ್​ ಅಳವಡಿಕೆ ಬಾಕಿ ಇದ್ದು, ಹಲವಡೆ ಉಪ ಪೈಪೈಲೈನ್​ ಅಳವಡಿಕೆ ಬಾಕಿ ಇದೆ. ಗದಗ ಜಿಲ್ಲೆಯಲ್ಲಿ ಇನ್ನೂ 27 ಕಿಮೀ ಪೈಪ್​ ಲೈನ್​ ಅಳವಡಿಕೆ ಬಾಕಿ ಇದೆ.

ಗದಗ ಜಿಲ್ಲೆಯ ಗುಮ್ಮಗೋಳ ಗ್ರಾಮದ ಬಳಿ ಹಮ್ಮಗಿ ಬ್ಯಾರೇಜ್​ನಲ್ಲಿ ಜಾಕ್​ ವೆಲ್​ ಅಳವಡಿಸುವ ಮೂಲ ಪಕ್ಕದ ಹಾವೇರಿ ಜಿಲ್ಲೆಯ 291 ಗ್ರಾಮಗಳಿಗೆ ಕುಡಿಯುವ ನೀರು ಪೂರೈಸುವ ಮಹತ್ವಾಕಾಂಕ್ಷೆಯ ಯೋಜನೆ ಇದಾಗಿದೆ. ಗುತ್ತಿಗೆದಾರರು ಹಾಗೂ ಅಧಿಕಾರಿಗಳ ನಿರ್ಲಕ್ಷ$್ಯದಿಂದ ಹಲವಡೆ ಕಾಮಗಾರಿ ಸಂರ್ಪೂಣ ಸ್ಥಗಿತಗೊಂಡಿದ್ದು, ಇನ್ನೂ ಕೆಲವೆಡೆ ಕಾಮಗಾರಿ ರ್ಪೂಣಗೊಂಡಿದ್ದರೂ ಅದು ಕೂಡಾ ಕಳಪೆಯಾಗಿದೆ. ಪೈಪ್​ಲೈನ್​ ಜೋಡಣೆ ಪರಿರ್ಪೂಣ ಆಗದಿರುವುದು ಮೇಲ್ನೋಟಕ್ಕೆ ಕಂಡುಬರುತ್ತಿದೆ.

36 ಎಂಎಲ್​ಡಿ ನೀರಿನ ಪೂರೈಕೆ ಯೋಜನೆ:

ಗದಗ ಜಿಲ್ಲೆಯಲ್ಲಿ ಹರಿಯುವ ತುಂಗಭದ್ರಾ ನದಿಗೆ ಅಡ್ಡಲಾಗಿ ನಿಮಿರ್ಸಿರುವ ಸಿಂಗಟಾಲೂರು ಏತ ನೀರಾವರಿ ಯೋಜನೆಯ ಜಲಾಶಯ ವ್ಯಾಪ್ತಿಯಲ್ಲಿ ನಿಮಿರ್ಸಲಾಗುವ ಜಾಕ್​ ವೆಲ್​ ನಿಂದ ಪಕ್ಕದ ಜಿಲ್ಲೆಯ ಹಾವೇರಿ, ಶಿಗ್ಗಾಂವ, ಸವಣೂರು ಹಾಗೂ ಹಾನಗಲ್ಲ ತಾಲೂಕುಗಳಿಗೆ ದಿನಕ್ಕೆ 36 ಎಂಎಲ್​ಡಿ (ಮಿಲಿಯನ್​ ಲೀಟರ್​ ಪ್ರತಿದಿನ) ನೀರು ಎತ್ತುವಳಿ ಮಾಡಿ ಶುದ್ಧಿಕರಿಸಿ ಪೂರೈಸುವ ಯೋಜನೆ ಇದಾಗಿದೆ. 2020ರಲ್ಲಿ ಸರ್ಕಾರದಿಂದ ಒಪ್ಪಿಗೆ ಸಿಕ್ಕಿದೆ. 2022 ರಲ್ಲಿಯೇ ಗುತ್ತಿಗೆದಾರರಿಗೆ ಕಾರ್ಯಾದೇಶ ನೀಡಲಾಗಿದ್ದು 2024 ರ ಆಗಸ್ಟ್​ ವೇಳೆಗೆ ಯೋಜನೆ ರ್ಪೂಣ ಗೊಳ್ಳಬೇಕಾಗಿತ್ತು. ಆದರೆ 2025 ಆಗಸ್ಟ್​ ಸಮೀಪಿಸುತ್ತಿದ್ದರೂ ಕಾಮಗಾರಿ ರ್ಪೂಣವಾಗಿಲ್ಲ. ಗುತ್ತಿಗೆ ಪಡೆದಿರುವ ಮೇಘಾ ಸಂಸ್ಥೆಯವರು ಮಾತ್ರ ಕಾಮಗಾರಿ ಪ್ರಗತಿಯ ಬಗ್ಗೆ ಗಮನ ಹರಿಸದೇ ಇರುವ ಹಿನ್ನೆಲೆಯಲ್ಲಿ ಶಾಶ್ವತ ನೀರಿನ ಸಮಸ್ಯೆ ನಿವಾರಣೆ ಆಗುತ್ತಿಲ್ಲ.

ಅಧಿಕ ವೆಚ್ಚ:

ಕ್ಷೇತ್ರದ ಮೇಲಿನ ಇಚ್ಚಾಶಕ್ತಿಯಿಂದ ಸಿಎಂ ಆಗಿದ್ದ ಸಂದರ್ಭದಲ್ಲಿ ಬಸವರಾಜ ಬೊಮ್ಮಾಯಿ ಅವರು ಒಟ್ಟು 600 ಕೋಟಿ ವೆಚ್ಚದ ಯೋಜನೆಗೆ ನಿಶಾನೆ ತೋರಿದ್ದರು. ಗದಗ ಹಾವೇರಿ ಜಿಲ್ಲೆಯ ಮುಖ್ಯ, ಉಪ ಪೈಪ್​ ಲೈನ್​ ಸೇರಿ ಒಟ್ಟು 900 ಕಿಮೀ ಪೈಪ್​ಲೈನ್​ ಅಳವಡಿಕೆ ಮಾಡಬೇಕಿದೆ. ಆದರೆ ಇದುವರೆಗೆ ಗದಗ ಹಾವೇರಿ ಸೇರಿ 670 ಕಿಮೀ ಮಾತ್ರ ರ್ಪೂಣಗೊಂಡಿದೆ. ಕಾಮಗಾರಿ ವಿಳಂಬದಿಂದಾಗಿ ವರ್ಷದಿಂದ ವರ್ಷಕ್ಕೆ ವೆಚ್ಚ ಹೆಚ್ಚಾಗುತ್ತಿದ್ದೆ. ಯೋಜನೆಯ ಪ್ರಾರಂಭಿಕ ಹಂತವಾಗಿ ಗದಗ ಜಿಲ್ಲೆಯಲ್ಲಿ 27 ಕಿಮೀ ಉದ್ದದ ಮುಖ್ಯ ನೀರು ಸಂಗ್ರಹ ಪೈಪ್​ಲೈನ್​ ಕಾಮಗಾರಿ ಬಾಕಿ ಉಳಿದಿದೆ.

ಕಳಪೆ ಅನುಮಾನ:

ಗದಗ ಜಿಲ್ಲೆಯ ತಂಗೋಡ ಹಾಗೂ ಸುತ್ತಮುತ್ತಲಿನ ಗ್ರಾಮಗಳ ಹೊರವಲಯದಲ್ಲಿ ಕಾಮಗಾರಿ ನಡೆಸಲಾಗುತ್ತಿದೆ. ಗುತ್ತಿಗೆದಾರರು ಆತುರದಲ್ಲಿ ಪೈಪ್​ ಜೋಡಣೆಗಳನ್ನು ಸಮಪರ್ಕವಾಗಿ ಮಾಡುತ್ತಿಲ್ಲ. ಬೃಹತ್​ ನೀರು ಪೂರೈಕೆ ಮಾಡುವ ಪೈಪ್​ಲೈನ್​ಗಳ ಗುಣಮಟ್ಟ ಮತ್ತು ಅವುಗಳ ಅಳವಡಿಕೆಯ ವೇಳೆಯಲ್ಲಿ ಪಾಲಿಸಬೇಕಾದ ನಿಯಮಗಳು ಪಾಲನೆ ಆಗುತ್ತಿದೆ ಎಂಬ ಆರೋಪ ಕೇಳಿ ಬರುತ್ತಿವೆ.

ಬಾಕ್ಸ್​:

ಕಾಮಗಾರಿ ವಿಳಂಬ ಆಗಿರುವುದು ನಿಜ. ಹಲವು ರೈತರ ಜಮೀನುಗಳಲ್ಲಿಯೇ ಪೈಪ್​ಲೈನ್​ ಅಳವಡಿಕೆ ಮಾಡಬೇಕಾದ ಹಿನ್ನೆಲೆಯಲ್ಲಿ ವಿಳಂಬವಾಗಿದೆ. ಕಾಮಗಾರಿಯ ಗುಣಮಟ್ಟ ಪರಿಶೀಲನೆಗೆ ಥರ್ಡ್​ ಪಾಟಿರ್ ನೇಮಿಸಲಾಗುತ್ತಿದೆ. ನಾವು ಕೂಡಾ ಪರಿಶೀಲನೆ ಮಾಡುತ್ತೇವೆ ಎಂದು ಹಾವೇರಿ ನೀರು ಸರಬರಾಜು ಇಲಾಖೆ ಇಂಜಿನಿಯರ್​ ಮಾಹಿತಿ ನೀಡಿದ್ದಾರೆ.

ಹೀಂಗ್​ ಆಗಬಾರದರು:

ಮುಂಡರಗಿ ಹಮ್ಮಗಿ ಬ್ಯಾರೇಜ್​ ನೀಂದ ಗದಗ ನಗರಕ್ಕೆ 70 ಕಿಮೀ ದೂರದಿಂದ ನಿರಂತರ ಕುಡಿಯುವ ನೀರಿನ ಯೋಜನೆ ಅನುಷ್ಠಾನಗೊಳಿಸಲಾಗಿದೆ. ಗದಗ ನಗರಕ್ಕೂ ಪ್ರತಿನಿತ್ಯ 36 ಎಂಎಲ್​ಡಿ ನೀರು ಪೂರೈಕೆ ಆಗಬೇಕು. ಆದರೆ, ಕಾಮಗಾರಿ ಕಳಪೆಯಿಂದ ಅಲ್ಲಲ್ಲಿ ಪೈಪ್​ಲೈನ್​ ಒಡೆಯುತ್ತಿದೆ. ನೀರು ಸೋರಿಕೆ ಆಗಿ ಗದಗ ನಗರಕ್ಕೆ ಕೇವಲ 10 ರಿಂದ 12 ಎಂಎಲ್​ಟಿ ನೀರು ಮಾತ್ರ ಪೂರೈಕೆ ಆಗುತ್ತಿದೆ. ನೀರನ ಭವಣೆ ಇನ್ನೂ ತಪ್ಪಿಲ್ಲ. ಈ ಯೋಜನೆ ವಿಲವಾಗಿದೆ. ಈ ಯೋಜನೆಯಂತೆ ಹಾವೇರಿಗೆ ನೀರು ಪೂರೈಸುವ ಯೋಜನೆ ಆಗಬಾರದು ಎಂಬುದು ಸ್ಥಳಿಯರ ಅಭಿಪ್ರಾಯ