ಕಲಬುರಗಿ: ವೀರಶೈವ, ಲಿಂಗಾಯತರು ವಿವಿಧ ಒಳಪಂಗಡ, ಗೊಂದಲಗಳ ಮಧ್ಯೆ ವಿಭಜನೆ ಹೊಂದಿದ್ದು, ಚದುರಿ ಹೋಗಿರುವ ಬಸವ ಅನುಯಾಯಿಗಳನ್ನು ಒಗ್ಗೂಡಿಸಿ, ಯಶಸ್ವಿಯಾಗಿ ಬಸವ ಜಯಂತಿ ಆಚರಿಸಿದ್ದು, ಈ ಒಗ್ಗಟ್ಟು ಮುಂದುವರಿಸಲಾಗುವುದು ಎಂದು ಬಸವ ಜಯಂತಿ ಉತ್ಸವ ಸಮಿತಿ ಜಿಲ್ಲಾಧ್ಯಕ್ಷ, ಶಾಸಕ ಎಂ.ವೈ.ಪಾಟೀಲ್ ಹೇಳಿದರು.
ಜಿಲ್ಲೆಯ ಇತಿಹಾಸದಲ್ಲಿಯೇ ಪ್ರಥಮಬಾರಿಗೆ ಎಲ್ಲ ಬಸವಪರ ಸಂಟನೆಗಳನ್ನು ಒಗ್ಗೂಡಿಸಿ, ಒಂದೇ ವೇದಿಕೆಯಲ್ಲಿ ಕರೆತಂದು ಅದ್ದೂರಿ ಮತ್ತು ರ್ಥಪರ್ಣವಾಗಿ ಬಸವ ಜಯಂತಿ ಆಚರಿಸಲಾಗಿದೆ. ಮೊದಲ ಬಾರಿಗೆ ಜಿಲ್ಲೆಯ ಪ್ರತಿ ಹಳ್ಳಿಗೂ ಜಿಲ್ಲಾಮಟ್ಟದ ಉತ್ಸವ ತಲುಪಿದೆ ಎಂದು ಸೋಮವಾರ ಸುದ್ದಿಗೋಷ್ಠಿಯಲ್ಲಿ ಹೇಳಿದರು.
೧೦೦ಕ್ಕೆ ೧೦೦ ಯಶಸ್ವಿ ಆಗಿದ್ದೇವೆ ಎಂದು ಹೇಳುವುದಿಲ್ಲ. ಆದರೆ ಹರಿದು ಹಂಚಿ ಹೋಗಿರುವ ಸಮಾಜವನ್ನು ಒಂದೇ ವೇದಿಕೆಯಲ್ಲಿ ತಂದಿರುವ ಸಮಾಧಾನ ಇದೆ. ಇದೇ ಮಾದರಿ ಬಸವ ರ್ಮ ಅಳವಡಿಸಿಕೊಂಡು ಎಲ್ಲರೂ ಸಾಗಿದರೆ ಸಮಾಜ ಬಲಿಷ್ಠವಾಗಿ ಹೊರಹೊಮ್ಮಲಿದೆ ಎಂದರು.
ಸಮಾಜದ ಎಲ್ಲ ಹಿರಿಯರು, ಯುವಕರು, ಸಂಟನೆಗಳವರ ಸಹಕಾರದಿಂದ ಯಶಸ್ವಿಯಾಗಿ ನಡೆದಿದೆ. ನಾನು ಅಧ್ಯಕ್ಷನಾಗಿ ಸಂರ್ಕ ಸೇತುವೆ ಆಗಿದ್ದೆ, ಎಲ್ಲರೂ ಶ್ರಮಿಸಿದ್ದರಿಂದ ಐತಿಹಾಸಿಕ ಕರ್ಯಕ್ರಮ ಮಾಡಲಾಗಿದೆ. ಎಲ್ಲ ಕಾಯಕ ಶರಣರ ಸಮುದಾಯ ಒಗ್ಗೂಡಿಸಲಾಗಿದೆ. ಯುವಕರಿಂದ ಸಚಿವರವರೆಗೆ ಎಲ್ಲರೂ ಸಹಕರಿಸಿದ್ದಾರೆ. ಯಾರಿಗೂ ಭಾರವಾಗದಂತೆ ಸಮಾಜದ ಸಶಕ್ತರಿಂದ ಸಹಾಯ ಪಡೆದು, ಉತ್ಸವ ಮಾಡಲಾಗಿದೆ. ಇದೇ ಮಾದರಿ ಬಸವ ರ್ಮ ಕಟ್ಟುವ ಕೆಲಸ ಮಾಡಿದ್ದೇವೆ ಎಂದರು.
ವೀರಶೈವ ಸಮಾಜದ ಜಿಲ್ಲಾಧ್ಯಕ್ಷ ಅರುಣಕುಮಾರ ಪಾಟೀಲ್ ಮಾತನಾಡಿ, ಗಣತಿಯಲ್ಲಿ ವೀರಶೈವ ಲಿಂಗಾಯತರ ಸಂಖ್ಯೆ ಕಡಿಮೆ ತೋರಿಸಿದ್ದು, ಒಂದು ವಿಧಾನಸಭೆ ಕ್ಷೇತ್ರಕ್ಕೆ ಐದು ಸಾವಿರ ಜನ ಎಂದೇ ಪರಿಗಣಿಸಿದರೂ, ೨೨೪ ಕ್ಷೇತ್ರ ಪರಿಗಣಿಸಿದರೂ ಕನಿಷ್ಠ ಒಂದು ಕೋಟಿ ಜನಸಂಖ್ಯೆ ಆಗುತ್ತದೆ. ಈ ಬಗ್ಗೆ ಹೋರಾಟ ಮಾಡಲಾಗುವುದು ಎಂದರು.
ಶಾಸಕ ಅಲ್ಲಮಪ್ರಭು ಪಾಟೀಲ್, ಮಾಜಿ ಎಂಎಲ್ಸಿ ಅಮರನಾಥ ಪಾಟೀಲ್, ಸಂತೋಷ ಪಾಟೀಲ್ ಸರಡಗಿ, ಪ್ರಭುಲಿಂಗ ಮಹಾಗಾಂವಕರ್, ಆರ್.ಜಿ.ಶೆಟಗಾರ್, ರವೀಂದ್ರ ಶಾಬಾದಿ, ಸೋಮಶೇಖರ ಹಿರೇಮಠ ಇತರರಿದ್ದರು.
