ಚನ್ನಸಂದ್ರ ಗ್ರಾಮದ ನಾಗರಾಜ್ (45) ಹತ್ಯೇಗಿಡಾದವರು. ನಾಗರಾಜ್ ಅವರು ಕುರಿ ಮೇಯಿಸುವುದರ ಜತೆಗೆ ೈನಾನ್ಸ್ ವ್ಯವಹಾರದಲ್ಲಿಯೂ ತೊಡಗಿಸಿಕೊಂಡಿದ್ದರು. ತಮ್ಮ ಬಳಿ ಎಷ್ಟೇ ಹಣವಿದ್ದರೂ ಮನೆಯಲ್ಲಿರಿಸದೆ ಜೇಬಿನಲ್ಲೇ ಇರಿಸಿಕೊಳ್ಳುವ ಹವ್ಯಾಸ ಹೊಂದಿದ್ದರು. ಅದರಂತೆ ಶುಕ್ರವಾರ ಯಾರೋ 2 ಲಕ್ಷ ರೂ. ಸಾಲವನ್ನು ನಾಗರಾಜ್ ಅವರಿಗೆ ಮರಳಿಸಿದ್ದು, ಈ ಹಣ ದೋಚಲೆಂದೇ ದುಷ್ಕರ್ಮಿಗಳು ಕೃತ್ಯ ಎಸಗಿದ್ದಾರೆ ಎನ್ನಲಾಗುತ್ತಿದೆ. ಇನ್ನು ನಾಗರಾಜ್ ಅವರಿಂದ ಸಾಲ ಪಡೆದವರು ವಾಪಸ್ ಮಾಡಲಾಗದೆ ಹತ್ಯೆಗೈದಿರಬಹುದೆಂದೂ ಶಂಕಿಸಲಾಗಿದೆ. ಸ್ಥಳಕ್ಕೆ ಕೋಲಾರ ಎಸ್ಪಿ ಬಿ.ನಿಖಿಲ್ ಭೇಟಿ ನೀಡಿ, ಪರಿಶೀಲಿಸಿದ್ದು, ವೇಮಗಲ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
