ಬೆಂಗಳೂರು ರೈಲ್ವೆ ಲೈನ್ ಬದಲಿಸಲು ಒತ್ತಾಯ

ಸಿಂಧನೂರು: ಸಿಂಧನೂರು-ಬೆಂಗಳೂರು ರೈಲು ಮಾರ್ಗ ಬದಲಿಸಿ, ಕಡಿಮೆ ಸಮಯದಲ್ಲಿ ಬೆಂಗಳೂರು ತಲುಪುವ ಲೈನ್‌ಗೆ ಲಿಂಕ್ ಕೊಡಲು ಕ್ರಮಕೈಗೊಳ್ಳಬೇಕೆಂದು ಶಾಸಕ ಹಂಪನಗೌಡ ಬಾದರ್ಲಿ ಹಾಗೂ ನಗರಸಭೆ ಸದಸ್ಯರು ಗುರುವಾರ ಸಚಿವ ವಿ.ಸೋಮಣ್ಣಗೆ ಮನವಿ ಸಲ್ಲಿಸಿದರು.

ಸದ್ಯ ಸಿಂಧನೂರು-ಯಶವಂತಪುರ(ಬೆಂಗಳೂರು) ರೈಲಿದೆ. ಆದರೆ, ಇದು 15 ತಾಸು ಸಮಯ ತೆಗೆದುಕೊಳ್ಳುತ್ತಿದೆ. ಇದರಿಂದ ರೈಲಿನಲ್ಲಿ ಜನರು ಸಂಚರಿಸಲು ಕಷ್ಟವಾಗಿದೆ. ಆದ್ದರಿಂದ ಸಿಂಧನೂರಿನಿಂದ ಯಶವಂತಪುರ ಎಕ್ಸಪ್ರೆಸ್ ಟ್ರೈನ್ (16546)ನನ್ನು ಸಂಜೆ 6 ಗಂಟೆಗೆ ಸಿಂಧನೂರು ಬಿಟ್ಟು ಬೆಳಗ್ಗೆ 6 ಗಂಟೆಗೆ ತಲುಪುವಂತೆ ಗಿಣಿಗೇರಾ, ಹೊಸಪೇಟೆ, ಬಳ್ಳಾರಿ, ಗುಂತಗಲ್ ಮಾರ್ಗಕ್ಕೆ ಪರಿವರ್ತಿಸಬೇಕೆಂದು ಮನವಿಯಲ್ಲಿ ಒತ್ತಾಯಿಸಲಾಯಿತು.

ನಗರಸಭೆ ಸ್ಥಾಯಿ ಸಮಿತಿ ಅಧ್ಯಕ್ಷ ವೀರೇಶ ಹಟ್ಟಿ, ಶರಣಪ್ಪ ಉಪ್ಪಲದೊಡ್ಡಿ, ಆಲಂಬಾಷಾ, ಪ್ರಭುರಾಜ, ರಾಜು ಬಂಡಿ ಇದ್ದರು.