ಉಡುಪಿಯಲ್ಲಿ ಯುವರಾಜ್​ನ ನೆನಪಿಸಿದ ಅರ್ಪಿತ್​..!

ಓವರ್​ನಲ್ಲಿ ಆರು ಸಿಕ್ಸರ್​ ಸಿಡಿಸಿದ ಬೆಂಗಳೂರು ವಕೀಲ

13 ಎಸೆತದಲ್ಲಿ ಅಬ್ಬರದ ಅರ್ಧ ಶತಕ ದಾಖಲು!

ವಿಜಯವಾಣಿ ಸುದ್ದಿಜಾಲ ಉಡುಪಿ

ಉಡುಪಿಯ ಎಂಜಿಎಂ ಕಾಲೇಜಿನ ಮೈದಾನದಲ್ಲಿ ನಡೆಯುತ್ತಿರುವ ರಾಜ್ಯ ಮಟ್ಟದ ವಕೀಲರ ಹೊನಲು-ಬೆಳಕಿನ ಕ್ರೀಡಾಕೂಟದಲ್ಲಿ ಮಾ.1ರಂದು ಸಂಜೆ ನಡೆದ ಕ್ರಿಕೆಟ್​ ಪಂದ್ಯದಲ್ಲಿ ಬೆಂಗಳೂರಿನ ಯುವ ವಕೀಲ ಅರ್ಪಿತ್​, ಆರು ಎಸೆತಗಳಲ್ಲಿ ಆರು ಸಿಕ್ಸರ್​ ಹೊಡೆಯುವ ಮೂಲಕ ಗಮನ ಸೆಳೆದರು.

ಭಾರತದ ಕ್ರಿಕೆಟ್​ ಆಟಗಾರ ಯುವರಾಜ್​ ಸಿಂಗ್​ ಇಂಗ್ಲಂಡ್​ ತಂಡದ ವಿರುದ್ಧ ಆರು ಎಸೆತಗಳಲ್ಲಿ ಆರು ಸಿಕ್ಸರ್​ ಸಿಡಿಸಿದ ರೀತಿಯಲ್ಲೇ ಅರ್ಪಿತ್​ ಸಹ ಆರು ಸಿಕ್ಸರ್​ ಸಿಡಿಸುವ ಮೂಲಕ ವೀಕ್ಷಕರ ಮನ ಗೆದ್ದರು. ಅವರ ಬ್ಯಾಟಿಂಗ್​ ಅಬ್ಬರ ಕಂಡ ಪ್ರೇಕ್ಷಕರಿಗೆ ಯುವರಾಜ್​ ಸಿಂಗ್​ ಆಟದ ವೈಖರಿ ನೆನಪಿಸಿತು.