ಗಾಳಿ ಮಳೆಗೆ ನೆಲ ಕಚ್ಚಿದ ಬಾಳೆ, ಬಹುತೇಕ ಮನೆಗಳು ಜಕಮ್, ಕರೊನಾ ಜತೆ ಮಳೆಗಾಳಿ ಅವಾಂತರ

ದೊಡ್ಡಬಳ್ಳಾಪುರ ಗ್ರಾಮಾಂತರ: ತಾಲೂಕಿನ ಮಧುರೆ ಹೋಬಳಿಯ ಸಿಂಪಾಡಿಪುರದಲ್ಲಿ ಬುಧವಾರ ತಡ ರಾತ್ರಿ ಸುರಿದ ಬಾರಿ ಗಾಳಿ ಮಳೆಗೆ ಹಲವು ಮನೆಗಳು ಜಖಂಗೊಂಡಿವೆ.

ಮಳೆ ಕಡಿಮೆ ಪ್ರಮಾಣದಲ್ಲಿ ಸುರಿದರೂ ಬಾರಿಗಾಳಿಯಿಂದಾಗಿ ಗ್ರಾಮದ ರಮೇಶ ಎಂಬುವರ ಅಂಗಡಿ ಮನೆ ಸಂಪೂರ್ಣ ಹಾಳಾಗಿದ್ದು, ಬಹುತೇಕ ಮನೆಗಳ ಶೀಟ್ ಹಾರಿವೆ. ಕರೊನಾ ಸಮಸ್ಯೆ ಜತೆ ಬಾರಿಗಾಳಿಯಿಂದ ಮನೆ ಕಳೆದುಕೊಂಡವರು ಬೀದಿಗೆ ಬಂದಂತಾಗಿದೆ.

ಸಮೀಪದ ಹೊನ್ನಾವರ ಹಾಗೂ ಗೂಳ್ಯ ಗ್ರಾಮಗಳ ವ್ಯಾಪ್ತಿಯಲ್ಲಿ ಬಾರಿ ಗಾಳಿ ಮಳೆಯಿಂದಾಗಿ ಬಹುತೇಕ ಬಾಳೆ ಗಿಡಗಳು ನೆಲಕಚ್ಚಿವೆ. ರೈತ ಪ್ರಕಾಶ್ ತೋಟದ ಸಲಿಗೆ ಬಂದಿದ್ದ ಎರಡು ಸಾವಿರ ಬಾಳೆ ಗಿಡಗಳು ನಾಶವಾಗಿದ್ದು, ಈ ಭಾಗದ ರೈತರು ಕಂಗಾಲಾಗಿದ್ದಾರೆ.