ಯುವಕನ ಬೆಂಕಿ ಹಚ್ಚಿ ಕೊಲೆ

ಘಟನೆಯ ಹಿನ್ನೆಲೆ : ಜೂ.7 ರಂದು ಸ್ನೇಹಿತನೊಬ್ಬನ ಹುಟ್ಟುಹಬ್ಬದ ಪಾರ್ಟಿಯಿದೆ ಎಂಬುದಾಗಿ ಹೇಳಿ ಬಸವನಗೌಡನನ್ನು ಸ್ನೇಹಿತರು ಶಿವಪುರ ಬಳಿಯ ಎಲ್‌ಎಲ್‌ಸಿ ಕಾಲುವೆ ಹತ್ತಿರ ಕರೆದೊಯ್ದಿದ್ದರು. ಅಲ್ಲಿ ಎಲ್ಲರೂ ಸೇರಿ ಪಾರ್ಟಿ ಮಾಡಿದ್ದಾರೆ. ಈ ವೇಳೆ ಆರೋಪಿಗಳು ಬಸನವಗೌಡನ ಕುತ್ತಿಗೆಗೆ ಹಗ್ಗ ಬಿಗಿದು ಉಸಿರುಗಟ್ಟಿಸಿ ಕೊಲೆ ಮಾಡಿದ್ದಾರೆ. ಅಷ್ಟೇ ಅಲ್ಲದೆ, ಸಾಕ್ಷಿ ನಾಶಪಡಿಸುವ ಉದ್ದೇಶದಿಂದ ಮೃತದೇಹವನ್ನು ಸುಟ್ಟು ಹಾಕಿ ಸುಮಾರು ಹದಿಮೂರು ಕಿ.ಮೀ. ದೂರದಲ್ಲಿರುವ ತಂಬ್ರಹಳ್ಳಿಯ ಕಾಲುವೆ ದಂಡೆಗೆ ತಂದು ದೇಹವನ್ನು ಎಸೆದಿದ್ದಾರೆ. ಶಿವಪುರ ಬಳಿ ಯುವಕನ ಬೈಕ್ ಪತ್ತೆಯಾಗಿದೆ. ಈ ಮೋಕಾ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

===