ಪ್ರಾಮಾಣಿಕತೆಯಿಂದ ಜಿಲ್ಲೆಯ ಏಳಿಗೆಗೆ ಶ್ರಮ

ಕರ್ನಾಟಕ ಬ್ಯಾಂಕ್ ನಿರ್ದೇಶಕ ಕೆ. ಗುರುರಾಜ ಆಚಾರ್ಯ ಅವರು ಸಂಘದ ಲಾಂಛನ ಬಿಡುಗಡೆಗೊಳಿಸಿ ಮಾತನಾಡಿದರು. ಲಾಂಛನದಲ್ಲಿರುವ ಬಳ್ಳಾರಿ ಕೋಟೆ, ಉಡುಪಿಯ ಬ್ರಹ್ಮರಥ ಹಾಗೂ ಯಕ್ಷಗಾನ ಕಿರೀಟವು ಜಿಲ್ಲೆಯ ಮೇಲಿನ ನಮ್ಮ ಬದ್ಧತೆ, ಧಾರ್ಮಿಕ ನೆಲೆಗಟ್ಟು ಮತ್ತು ಪರಂಪರೆಯ ಮೇಲಿರುವ ಕಾಳಜಿ ಪ್ರತಿಬಿಂಬಿಸುತ್ತದೆ ಎಂದರು.

ಬಳಿಕ ನಾನಾ ಕ್ಷೇತ್ರಗಳಲ್ಲಿ ಗಣನೀಯ ಸೇವೆ ಸಲ್ಲಿಸಿದ ವೈದ್ಯ ಡಾ.ಪಿ.ರಾಧಾಕೃಷ್ಣ ರಾವ್, ಹೊಟೇಲ್ ಉದ್ಯಮಿ ಕೆ.ಎಲ್.ಜನಾರ್ದನರಾವ್ ಹಾಗೂ ಉಡುಪಿ ಜಿಲ್ಲೆಯ ಶಾಸಕ ಗುರ್ಮೆ ಸುರೇಶ್ ಶೆಟ್ಟಿ ಅವರನ್ನು ಸನ್ಮಾನಿಸಿ ಗೌರವಿಸಲಾಯಿತು. ಕುಂದಾಪುರದ ಶ್ರೀಮಹಾಗಣಪತಿ ಪ್ರವಾಸಿ ಯಕ್ಷಗಾನ ಮಂಡಳಿ ಅಭಿನಯಿಸುವ ಮಹಾಶಕ್ತಿ ಮಹಾಕಾಳಿ ಎಂಬ ನೂತನ ಪ್ರಸಂಗದ ಯಕ್ಷಗಾನ ಪ್ರದರ್ಶನ ನಡೆಯಿತು. ಆರಾಧ್ಯ ಹಾಗೂ ಸನ್ನಿಧಿಯಿಂದ ಭರತನಾಟ್ಯ, ಓಂಕಾರ ನಾಟ್ಯ ಬಳಗದಿಂದ ಸಮೂಹ ನೃತ್ಯ, ಕೃಷ್ಣಪ್ರಿಯ ಕೋಲಾಟ ತಂಡದಿಂದ ಕೋಲಾಟ, ಮಹಿಳಾ ಮೈತ್ರಿಕೂಟದ ಸದಸ್ಯರಿಂದ ನೃತ್ಯ, ಶ್ರೀಶಾರದ ನಾಟ್ಯ ಅಕಾಡೆಮಿ(ಕಲಾವೃಕ್ಷ)ತಂಡದಿಂದ ಭರತನಾಟ್ಯ ಸೇರಿದಂತೆ ಸ್ಥಳೀಯ ಕಲಾವಿದರು ಮತ್ತು ವಿವಿಧ ಸಾಂಸ್ಕೃತಿಕ ಸಂಸ್ಥೆಗಳ ಸಹಯೋಗದೊಂದಿಗೆ ಈ ಕಾರ್ಯಕ್ರಮವು ಕಳೆಗಟ್ಟಿತು.

====