ಈರಣ್ಣ ಸ್ವಾಮಿಗೆ ಜಲಾಭಿಷೇಕ

ಮುಂಜಾನೆಯೇ ಮಡಿ ಸ್ನಾನ ಮುಗಿಸಿ ಓಂ ಈರಣ್ಣ ಸ್ವಾಮಿಯೇ ನಮಃ ಎಂದು ಜಪಿಸುತ್ತಾ ಶ್ರದ್ಧಾಭಕ್ತಿಯಿಂದ ದೇವರ ನಾಮಸ್ಮರಣೆ ಮಾಡಿದರು. ಈ ವಿಶೇಷ ಸೇವೆಯಲ್ಲಿ ಪ್ರಮುಖರು ಮತ್ತು ಮಕ್ಕಳು ಸೇರಿದಂತೆ ನೂರಾರು ಭಕ್ತರು ಪಾಲ್ಗೊಂಡು ದೇವರ ಕೃಪೆಗೆ ಪ್ರಾರ್ಥಿಸಿದರು.

ಇದರೊಂದಿಗೆ ರಾತ್ರಿಯಿಂದ ಬೆಳಗಿನ ಜಾವದವರೆಗೆ ತಬಲ, ಡಕ್ಕೆ, ತಾಳ ಸೇರಿದಂತೆ ವಿವಿಧ ವಾದ್ಯಗಳೊಂದಿಗೆ ಭಜನಾ ಕಾರ್ಯಕ್ರಮ ಜರುಗಿತು. ಈ ಸಂದರ್ಭದಲ್ಲಿ ಹನುಮೇಶ, ನಾಗರಾಜ, ಬಸವರಾಜ, ಹನುಮಂತರಾಯ, ಶಿವಪ್ಪ, ನಾಗೇಶ, ಕೆ ಹನುಮೇಶ ಮತ್ತಿತರರಿದ್ದರು.