ಕರಾವಳಿಗರ ಪ್ರಗತಿಯಲ್ಲಿ ಗಣಿನಾಡಿಗರ ಪಾತ್ರ ಹಿರಿದು

ರಾಘವ ಕಲಾಮಂದಿರದಲ್ಲಿ ಭಾನುವಾರ ಆಯೋಜಿಸಿದ್ದ ಕರಾವಳಿ ಸಾಂಸ್ಕೃತಿಕ ಸಂಘದ ನೂತನ ಅವತರಿಣಿಕೆ ಬಿಡುಗಡೆ ಹಾಗೂ ಅಭಿನಂದನಾ ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿದರು. ಕರಾವಳಿ ಮೂಲದ ಜನರ ಅಭಿವೃದ್ಧಿಯಲ್ಲಿ ಜಿಲ್ಲೆಯ ಜನತೆಯ ಪಾತ್ರ ಹಿರಿದು. ಜಿಲ್ಲೆಯ ಜನರು ತೆರೆದ ಮನಸ್ಸಿನಿಂದ ಆಶ್ರಯ ನೀಡಿ ಜೀವನ ಕಟ್ಟಿಕೊಟ್ಟಿದ್ದಾರೆ. ಈ ಋಣ ನಮ್ಮೆಲ್ಲರ ಮೇಲಿದೆ ಎಂದರು.

ಕರ್ನಾಟಕ ಬ್ಯಾಂಕ್ ನಿರ್ದೇಶಕ ಕೆ. ಗುರುರಾಜ ಆಚಾರ್ಯ ಅವರು ಸಂಘದ ಲಾಂಛನ ಬಿಡುಗಡೆಗೊಳಿಸಿ ಮಾತನಾಡಿದರು. ಲಾಂಛನದಲ್ಲಿರುವ ಬಳ್ಳಾರಿ ಕೋಟೆ, ಉಡುಪಿಯ ಬ್ರಹ್ಮರಥ ಹಾಗೂ ಯಕ್ಷಗಾನ ಕಿರೀಟವು ಜಿಲ್ಲೆಯ ಮೇಲಿನ ನಮ್ಮ ಬದ್ಧತೆ, ಧಾರ್ಮಿಕ ನೆಲೆಗಟ್ಟು ಮತ್ತು ಪರಂಪರೆ ಮೇಲಿರುವ ಕಾಳಜಿ ಪ್ರತಿಬಿಂಬಿಸುತ್ತದೆ ಎಂದರು.

ಬಳಿಕ ನಾನಾ ಕ್ಷೇತ್ರಗಳಲ್ಲಿ ಗಣನೀಯ ಸೇವೆ ಸಲ್ಲಿಸಿದ ವೈದ್ಯ ಡಾ.ಪಿ. ರಾಧಾಕೃಷ್ಣ ರಾವ್, ಹೋಟೆಲ್ ಉದ್ಯಮಿ ಕೆ.ಎಲ್. ಜನಾರ್ದನರಾವ್ ಹಾಗೂ ಉಡುಪಿ ಜಿಲ್ಲೆಯ ಶಾಸಕ ಗುರ್ಮೆ ಸುರೇಶ್ ಶೆಟ್ಟಿ ಅವರನ್ನು ಗೌರವಿಸಲಾಯಿತು.

ಕುಂದಾಪುರದ ಶ್ರೀ ಮಹಾಗಣಪತಿ ಪ್ರವಾಸಿ ಯಕ್ಷಗಾನ ಮಂಡಳಿಯಿಂದ ಮಹಾಶಕ್ತಿ ಮಹಾಕಾಳಿ ನೂತನ ಪ್ರಸಂಗದ ಯಕ್ಷಗಾನ ಪ್ರದರ್ಶನ ನಡೆಯಿತು. ಆರಾಧ್ಯ ಹಾಗೂ ಸನ್ನಿಧಿ ಅವರಿಂದ ಭರತನಾಟ್ಯ, ಓಂಕಾರ ನಾಟ್ಯ ಬಳಗದಿಂದ ಸಮೂಹ ನೃತ್ಯ, ಕೃಷ್ಣಪ್ರಿಯ ಕೋಲಾಟ ತಂಡದಿಂದ ಕೋಲಾಟ, ಮಹಿಳಾ ಮೈತ್ರಿಕೂಟ ಸದಸ್ಯರಿಂದ ನೃತ್ಯ, ಶ್ರೀ ಶಾರದಾ ನಾಟ್ಯ ಅಕಾಡೆಮಿ (ಕಲಾವೃಕ್ಷ)ತಂಡದಿಂದ ಭರತನಾಟ್ಯ ಸೇರಿದಂತೆ ಸ್ಥಳೀಯ ಕಲಾವಿದರು ಮತ್ತು ವಿವಿಧ ಸಾಂಸ್ಕೃತಿಕ ಸಂಸ್ಥೆಗಳ ಸಹಯೋಗದಲ್ಲಿ ಈ ಕಾರ್ಯಕ್ರಮಗಳು ನಡೆದವು.