ಬಿ.ಎಸ್ಸಿ ಬೋಧನೆಗೆ ಉಪನ್ಯಾಸಕರಿಲ್ಲ

ಬಿ.ಎಸ್ಸಿ ಆರಂಭವಾಗಿ ನಾಲ್ಕು ತಿಂಗಳಾದರೂ ಭೌತಶಾಸ್ತ್ರ, ರಾಸಾಯನಶಾಸ್ತ್ರ, ಸಸ್ಯಶಾಸ್ತ್ರ, ಪ್ರಾಣಿಶಾಸ್ತ್ರ, ಕಂಪ್ಯೂಟರ್ ಸೈನ್ಸ್ ತರಗತಿಗಳು ನಡೆಯುತ್ತಿಲ್ಲ. ಬಿ.ಎಸ್ಸಿ ಪಿಸಿಎಂ, ಪಿಎಂಸಿಎಸ್ ಹಾಗೂ ಸಿಬಿಜೆಡ್ ವಿಭಾಗಕ್ಕೆ ಒಟ್ಟು 35 ವಿದ್ಯಾರ್ಥಿಗಳು ದಾಖಲಾಗಿದ್ದಾರೆ. ಪ್ರಸ್ತುತ ಕನ್ನಡ, ಇಂಗ್ಲಿಷ್, ಭಾರತೀಯ ಸಂವಿಧಾನ, ಕಂಪ್ಯೂಟರ್ ಲ್ಯಾಬ್ ತರಗತಿ ನಡೆಯುತ್ತಿದ್ದು, ಇತರ ವಿಷಯಗಳ ಬೋಧನೆಗೆ ಉಪನ್ಯಾಸಕರಿಲ್ಲ.

ಪ್ರಯೋಗಾಲಯಕ್ಕಾಗಿ ಗಂಗಾವತಿಗೆ ಹೋಗಬೇಕಿದೆ. ಇದರಿಂದಾಗಿ ಪ್ರಯೋಗಾಲಯಕ್ಕೆ ಸಲಕರಣೆಗಳು, ಗ್ರಂಥಾಲಯಕ್ಕೆ ಪಠ್ಯಪುಸ್ತಕಗಳು, ಕಾಯಂ ಉಪನ್ಯಾಸಕರನ್ನು ನಿಯೋಜಿಸಬೇಕೆಂಬುದು ವಿದ್ಯಾರ್ಥಿಗಳ ಒತ್ತಾಯವಾಗಿದೆ.