ಗ್ರಾಮದಿಂದ 8 ಕಿ.ಮೀ. ದೂರದ ಸಿರಿಗೇರಿ ಕ್ರಾಸ್ನಲ್ಲಿ 110 ಕೆ.ವಿ. ಪವರ್ ಸ್ಟೇಷನ್ ಸ್ಥಾಪಿಸಿದ್ದು, ಇಲ್ಲಿಂದಲೇ ವಿದ್ಯುತ್ ಒದಗಿಸುವ ಅನಿವಾರ್ಯತೆ ಇದೆ. ಸ್ಪಲ್ಪ ಮಳೆ-ಗಾಳಿ ಬೀಸಿದರೂ ವಿದ್ಯುತ್ ಕಡಿತವಾಗುತ್ತಿದೆ. ದಿನದ 24 ಗಂಟೆಯಲ್ಲಿ 10ರಿಂದ15 ಬಾರಿ ವಿದ್ಯುತ್ ಕಡಿತಗೊಳ್ಳುತ್ತದೆ. ಇದರಿಂದ ಕೃಷಿ ಹಾಗೂ ಕುಡಿವ ನೀರಿನ ಪಂಪ್ಸೆಟ್, ಹಿಟ್ಟಿನ ಕಿರಣಿ, ಮನೆಯ ದೈನಂದಿನ ಬಳಕೆ ಹಾಗೂ ವಿದ್ಯಾರ್ಥಿಗಳ ಅಭ್ಯಾಸಕ್ಕೆ ಬಹಳ ತೊಂದರೆಯಾಗಿದೆ. ರಾತ್ರಿ ವೇಳೆಯೇ ವಿದ್ಯುತ್ ಕಡಿತಗೊಳ್ಳುವುದರಿಂದ ವಿಷ ಜಂತುಗಳ ಕಾಟಕ್ಕೆ ಮನೆಯಿಂದ ಹೊರೆಗೆ ಹೋಗದಾಗಿದೆ. ರಾತ್ರಿ ಇಡೀ ಸೊಳ್ಳೆ ಕಡಿಸಿಕೊಂಡು ಮಲಗುವ ಪರಿಸ್ಥಿತಿ ಇದೆ. ಕೂಡಲೇ ನಿರಂತರ ವಿದ್ಯುತ್ ಪೂರೈಕೆಗೆ ಕ್ರಮ ಕೈಗೊಳ್ಳದಿದ್ದರೆ ಸಿರಿಗೇರಿ ಕ್ರಾಸ್ ಕೆಇಬಿ ಮುಂದೆ ಧರಣಿ ನಡೆಸುವುದಾಗಿ ಎಚ್ಚರಿಸಿದ್ದಾರೆ.
