ಮತದಾರರ ಅಕ್ಷೇಪಣೆ ಸಲ್ಲಿಕೆಗೆ ಅವಕಾಶ

ಪ್ರಮುಖ ಮುಖ್ಯಾಂಶಗಳು

• ಹೆಚ್ಚುವರಿ ಮತಗಟ್ಟೆ

ಬಳ್ಳಾರಿ :

ಈ ಹಿಂದೆ ಜಿಲ್ಲೆಯ ಮತದಾರರ ಕರಡು ಪಟ್ಟಿಯಲ್ಲಿ 12,29,586 ಮತದಾರರರಿದ್ದು, ಪ್ರಸ್ತುತ 10,06,307 ಜನರಿದ್ದಾರೆ. ಶೇ.81.84 ರಷ್ಟು ಮತದಾರರು ನೇರವಾಗಿ ಎಸ್‌ಐಆರ್ ಪ್ರಕ್ರಿಯೆ ಪರಿಶೀಲನೆಗೆ ಒಳಗಾಗಿದ್ದಾರೆ ಎಂದು ಡಿಸಿ ಕೆ.ನಾಗೇಂದ್ರ ಪ್ರಸಾದ್ ಹೇಳಿದರು.

ಆಯೋಜಿಸಿದ್ದ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದರು. ಒಟ್ಟು ಮತದಾರರಲ್ಲಿ 4,94,371 ಪುರುಷರು, 5,11,740 ಮಹಿಳೆಯರು ಹಾಗೂ 196 ತೃತೀಯ ಲಿಂಗಿ ಮತದಾರರಿದ್ದಾರೆ. ಇದರಲ್ಲಿ ಯುವ ಮತದಾರರು (18-19 ವರ್ಷ) 17,767, ಹಿರಿಯ ನಾಗರಿಕರು (80 ವರ್ಷಕ್ಕೂ ಮೇಲ್ಪಟ್ಟ) 12,607, ವಿಶೇಷ ಚೇತನರು 13,288, ಸೇವಾ ಮತದಾರರು 183, ಹೊಸದಾಗಿ ಸಲ್ಲಿಕೆಯಾದ ಫಾರ್ಮ್ 06 ಅರ್ಜಿಗಳು 7,841 ಒಳಗೊಂಡಿವೆ. 1,200ಕ್ಕಿಂತ ಹೆಚ್ಚು ಮತದಾರರಿರುವ ಕಡೆ 33 ಹೆಚ್ಚುವರಿ ಮತಗಟ್ಟೆಗಳನ್ನು ಗುರುತಿಸಲಾಗಿದ್ದು, ಒಟ್ಟು ಮತಗಟ್ಟೆಗಳ ಸಂಖ್ಯೆ 1,260ಕ್ಕೆ ಏರಿಕೆಯಾಗಿದೆ ಎಂದರು.

ನೂತನ ಕರಡು ಮತದಾರರ ಪಟ್ಟಿಯನ್ನು ಜಿಲ್ಲಾಡಳಿತದ ಅಧಿಕೃತ ವೆಬ್‌ಸೈಟ್‌ನಲ್ಲಿ ಸಾರ್ವಜನಿಕರ ವಿಕ್ಷ ಣೆಗೆ ಲಭ್ಯವಿದೆ. ಹಕ್ಕು ಮತ್ತು ಅಕ್ಷೇಪಣೆ ಸಲ್ಲಿಸಲು ಆ.24ರಿಂದ ಸೆ.23ರವರೆಗೆ, ನೋಟೀಸ್ ಹಂತ ಹಾಗೂ ಅಕ್ಷೇಪಣೆಗಳ ವಿಲೇವಾರಿ ಮಾಡಲು ಆ.24ರಿಂದ ಅ. 22ರವರೆಗೆ ಅವಕಾಶ ಕಲ್ಪಿಸಿದೆ. ಅಂತಿಮ ಮತದಾರರ ಪಟ್ಟಿಯನ್ನು ಅ.27ರಂದು ಪ್ರಕಟಿಸಲಾಗುವುದು ಎಂದರು.