ರಾಕ್ಷಸತನದ ಗಣಿಗಾರಿಕೆ ಬೇಡ

ನಗರದ ಪತ್ರಿಕಾಭವನದಲ್ಲಿ ಗಣಿ ಬಾಧಿತ ಪ್ರದೇಶದ ಪರಿಸರ ಮತ್ತು ಜನ ಬದುಕಿನ ಪುನಶ್ಚೇತನ ಹೋರಾಟ ಸಮಿತಿಯಿಂದ ಶುಕ್ರವಾರ ಆಯೋಜಿಸಿದ್ದ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದರು. ಹಾಲಿ ಗಣಿ ಗುತ್ತಿಗೆ ಪ್ರಸ್ತಾವನೆಯಲ್ಲಿ ಕೆಐಒಸಿಎಲ್ ಕಂಪನಿಗೆ 2ಎಂಟಿಪಿಎ ಹಾಗೂ ವಿಐಎಸ್‌ಎಲ್ ಕಂಪನಿ 0.9 ಎಂಟಿಪಿಎ ಅದಿರು ಉತ್ಪಾದನೆಗೆ ಬೇಡಿಕೆ ಇಟ್ಟಿವೆ. ಈಗಾಗಲೇ ಕಚ್ಛಾ ಅದಿರು ಕೊರತೆಯಿಂದ ಪೀಡಿತಗೊಂಡಿರುವ ಎರಡು ಕಂಪನಿಗಳಿಗೆ ಕೇಂದ್ರದ ಎನ್‌ಎಂಡಿಸಿ ಹಾಗೂ ಕೆಐಒಎಂ ಗಣಿಗಳಿಂದ ವಾರ್ಷಿಕವಾಗಿ 15.6 ಎಂಟಿಪಿಎ ಅದಿರು ಉತ್ಪಾದನೆಯಾಗುತ್ತಿದೆ. ಇದರ ಶೇ. 20ರಷ್ಟು (3.12 ಎಂಟಿಪಿಎ) ಅದಿರು ಬಳಕೆ ಮಾಡಿಕೊಂಡರೆ ಮುಚ್ಚುವ ಹಂತದಲ್ಲಿರುವ ಎರಡು ಕಾರ್ಖಾನೆಗಳು ಪುನಶ್ಚೇತನಗೊಳ್ಳಲಿದೆ. ಜತೆಗೆ ಗಣಿಗುತ್ತಿಗಾಗಿ ಹೂಡುವ ಬಂಡವಾಳ ವೆಚ್ಚವೂ ಉಳಿಯಲಿದೆ. ಜತೆಯಲ್ಲಿ ಪರಿಸರ ಸಂರಕ್ಷಣೆ, ಮುಂದಿನ ಪೀಳಿಗೆಗೆ ಖನಿಜ ಸಂಪತ್ತರು ಸಂರಕ್ಷಿಸಿದಂತೆಯಾಗಲಿದೆ ಎಂದರು.

ಜಿಲ್ಲೆಯಲ್ಲಿ ಕಾರ್ಖಾನೆ ಆರಂಭಿಸುವುದಾಗಿ ಕುಡುತಿನಿ ಬಳಿ ಸಾವಿರಾರು ಎಕರೆ ಭೂಮಿ ವಶಪಡಿಸಿಕೊಳ್ಳಲಾಗಿದೆ. ಈವರೆಗೂ ಕಾರ್ಖಾನೆ ಆರಂಭಿಸಿಲ್ಲ. ಕೂಡಲೇ ಕಬ್ಬಿಣ ಕಾರ್ಖಾನೆ ಆರಂಭಿಸುವುದರಿಂದ ಸ್ಥಳೀಯರಿಗೆ ಉದ್ಯೋಗ ಹಾಗೂ ಸಂಡೂರಿನಲ್ಲಿರುವ ಉತ್ಕೃಷ್ಠ ಅದಿರು ಸಾರ್ವಜನಿಕ ಉದ್ದಿಮೆಗೆ ಸದ್ಬಳಕೆಯಾಗಲಿದೆ ಎಂದರು.

ಸಂಘಟನೆ ಪದಾಧಿಕಾರಿಗಳಾದ ಟಿ.ಎಂ.ಶಿವಕುಮಾರ್, ಉಗ್ರನರಸಿಂಹೇಗೌಡ, ಸೋಮಶೇಖರಗೌಡ, ಎಂ.ಎಲ್.ಕೆ. ನಾಯ್ಡು, ಈರಣ್ಣ ಮೂಲಿಮನಿ, ಕೆ.ಬಿ.ಮೌನೇಶ್ ಇದ್ದರು.