ಶಿಕ್ಷಕರು ಮಕ್ಕಳ ಭವಿಷ್ಯ ರೂಪಿಸುವ ಮಾರ್ಗದರ್ಶಕರಾಗಲಿ

ಪಟ್ಟಣದ ಹಳೇ ಊರಿನ ಸಮುದಾಯ ಭವನದಲ್ಲಿ 1995-96ರ ಸಾಲಿನ ಸಮಾಹಿಪ್ರಾ ಶಾಲೆಯ ಹಳೇ ವಿದ್ಯಾರ್ಥಿಗಳಿಂದ ಶನಿವಾರ ಹಮ್ಮಿಕೊಂಡಿದ್ದ ಗುರುವಂದನಾ ಕಾರ್ಯಕ್ರಮದಲ್ಲಿ ಮಾತನಾಡಿದರು. ಶಿಕ್ಷಕರು ತಮ್ಮ ಸ್ಥಾನಮಾನವನ್ನು ಅರಿತು ಮಕ್ಕಳನ್ನು ತಿದ್ದಿತೀಡಿ ದೇಶಕ್ಕೆ ಉತ್ತಮ ಪ್ರಜೆಗಳನ್ನಾಗಿ ಮಾಡಬೇಕು. ಶಿಕ್ಷಣ ನೀಡಿದರೆ ಸಾಲದು ಮಕ್ಕಳ ಭವಿಷ್ಯ ರೂಪಿಸುವ ಮಾರ್ಗದರ್ಶಕರಾಗಬೇಕು ಎಂದರು.

ನಂತರ ನಿವೃತ್ತ ಶಿಕ್ಷಕರಾದ ಕೆ.ವಿ.ಎಂ.ಸುಭಾಷ್, ವಾಲಿ ವೀರಪ್ಪ, ಎಚ್.ಎಂ.ಸದ್ಯೋಜಾತಯ್ಯ, ಡಿ.ಉಮಾಪತಿ, ಪತ್ರೆಪ್ಪರಿ ಅವರನ್ನು ಸನ್ಮಾನಿಸಲಾಯಿತು. ಇದಕ್ಕೂ ಮುನ್ನ ಶಿಕ್ಷಕರನ್ನು ಸರೋಟಿನಲ್ಲಿ ಮೆರವಣಿಗೆಯೊಂದಿಗೆ ಶ್ರೀ ಕಲ್ಲೇಶ್ವರ ದೇಗುಲಕ್ಕೆ ತೆರಳಿ ಪೂಜೆ ಮಾಡಿಸಿ ಕಾರ್ಯಕ್ರಮಕ್ಕೆ ಸ್ವಾಗತಿಸಲಾಯಿತು.

ಪ್ರಮುಖರಾದ ದ್ರಾಕ್ಷಿ ನಾಗರತ್ನಮ್ಮ ಬಸವರಾಜ, ಬೆಟಗೇರಿ ನಾಗರತ್ನಮ್ಮ ಕೃಷ್ಣಪ್ಪ, ಕುರಿ ಪ್ರಕಾಶ, ಮೋಕ್ಷಮ್ಮ ಬಸವರಾಜ ಕೊಡ್ಲಿ, ಕೆ.ವಿ.ಎಂ.ವೀರೇಶ, ಪೊಲೀಸ್ ಬಸನಗೌಡ, ಭದ್ರವಾಡಿ ಸುರೇಶ ಇತರರಿದ್ದರು.