ನೂತನ ಕೋರ್ಸ್‌ಗಳಿಗೆ ಚಾಲನೆ

ಆರಂಭವಾದ ಕೋರ್ಸ್‌ಗಳು: ಬಿಬಿಎ ಎಲ್‌ಎಲ್.ಬಿ. (ಆನರ್ಸ್) 5 ವರ್ಷದ ಪದವಿ , ಎಲ್.ಎಲ್.ಬಿ. (ಆನರ್ಸ್) 3 ವರ್ಷದ ಪದವಿ, ಎಲ್.ಎಲ್.ಎಂ. 2 ವರ್ಷದ ಸ್ನಾತಕೋತ್ತರ ಹಾಗೂ ಬಿ.ಎಸ್.ಸಿ. ಹೋಟೆಲ್ ಮ್ಯಾನೇಜ್‌ಮೆಂಟ್ ಮತ್ತು ಕ್ಯಾಟರಿಂಗ್ ಟೆಕ್ನಾಲಜಿ 3 ವರ್ಷದ ಪದವಿ ಆರಂಭಿಸಿದೆ. ಈ ಕೋರ್ಸ್‌ಗಳಿಗಾಗಿ ಗೋಕುಲ ಕ್ಯಾಂಪಸ್‌ನಲ್ಲಿ ಅತ್ಯಾಧುನಿಕ ಸೌಲಭ್ಯಗಳನ್ನು ಕಲ್ಪಿಸಲಾಗಿದೆ. ಸ್ಕೂಲ್ ಆಫ್ ಲೀಗಲ್ ಸ್ಟಡೀಸ್ ವಿಭಾಗದಲ್ಲಿ ಸುಸಜ್ಜಿತ ಮೂಟ್ ಕೋರ್ಟ್, ಆಧುನಿಕ ತರಗತಿ ಕೊಠಡಿಗಳು ಹಾಗೂ ಸಮೃದ್ಧ ಗ್ರಂಥಾಲಯವನ್ನು ನಿರ್ಮಿಸಲಾಗಿದೆ.

ಅದೇ ರೀತಿ ಹೋಟೆಲ್ ಮ್ಯಾನೇಜ್‌ಮೆಂಟ್ ವಿಭಾಗದಲ್ಲಿ ಅತ್ಯಾಧುನಿಕ ಟ್ರೈನಿಂಗ್ ಕಿಚನ್ ಸೇರಿದಂತೆ ಕೈಗಾರಿಕಾ ಅವಶ್ಯಕತೆಗಳಿಗೆ ಅನುಗುಣವಾದ ತರಬೇತಿ ಸೌಲಭ್ಯಗಳನ್ನು ಒದಗಿಸಲಾಗಿದ್ದು, ವಿದ್ಯಾರ್ಥಿಗಳಿಗೆ ಪ್ರಾಯೋಗಿಕ ಹಾಗೂ ಉದ್ಯಮಮುಖಿ ಶಿಕ್ಷಣ ದೊರೆಯಲಿದೆ. ಈವರೆಗೆ ಉತ್ತರ ಕರ್ನಾಟಕದ ವಿದ್ಯಾರ್ಥಿಗಳು ಕಾನೂನು ಹಾಗೂ ಹೋಟೆಲ್ ಮ್ಯಾನೇಜ್‌ಮೆಂಟ್ ಶಿಕ್ಷಣಕ್ಕಾಗಿ ಗೋವಾ, ಬೆಂಗಳೂರು, ಮುಂಬೈ ಮತ್ತು ಹೈದರಾಬಾದ್‌ನಂತಹ ಮಹಾನಗರಗಳಿಗೆ ತೆರಳಬೇಕಾಗುತ್ತಿತ್ತು.

===