2ಕೋಟಿ ವೆಚ್ಚದಲ್ಲಿ ಕೆರೆಗಳ ಪುನಶ್ಚೇತನ

ಚಿಕ್ಕಜೋಗಿಹಳ್ಳಿ ಗ್ರಾಮದಲ್ಲಿ ಪರಿಸರ ದಿನಾಚರಣೆ ಪ್ರಯುಕ್ತ ಅಮ್ಮನ ಹೆಸರಿನಲ್ಲಿ ಒಂದು ಗಿಡ ಎನ್ನುವ ಕಾರ್ಯಕ್ರಮದಲ್ಲಿ ನಾಲ್ಕು ಕೆರೆಗಳ ಪುನಶ್ಚೇತನ ಕೆರೆ ಅಭಿವೃದ್ಧಿ ಮಾಡುವುದಕ್ಕೆ ಚಾಲನೆ ನೀಡಿ ಮಾತನಾಡಿದರು.

ನಾನು ಕೂಡ್ಲಿಗಿ ತಾಲೂಕಿಗೆ 2ಬಾರಿ ಬಂದಿರುವೆ. ಇಲ್ಲಿನ ರೈತರು ಮಳೆಯನ್ನೇ ನಂಬಿ ಜೀವನ ಮಾಡುತ್ತಾರೆ . ಇಲ್ಲಿ ವಾರ್ಷಿಕ ಮಳೆ ಕಡಿಮೆ ಪ್ರಮಾಣ ಬರುತ್ತದೆ ಆ ನೀರನ್ನು ಸಂಗ್ರಹಿಸುವ ಉದ್ದೇಶದಿಂದ ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ ಸಿಎಸ್‌ಆರ್ ನಿಧಿಯಿಂದ 2ಕೋಟಿ ರೂ.ಗಳಲ್ಲಿ ಸಣ್ಣ ನೀರಾವರಿ ಇಲಾಖೆಯ ಸಹಯೋಗದೊಂದಿಗೆ ತಾಲೂಕಿನ ಗುಂಡುಮುಣುಗು, ಮಹದೇವಪುರ, ಹುಲಿಕುಂಟೆ, ಹಾಗೂ ಗುಡೇಕೋಟೆ ಬಳಿಯ ಸರ್ವೋದಯ ಕೆರೆಗಳ ಅಭಿವೃದ್ಧಿಗೆ ಈ ನಿಧಿ ಬಳಿಸಿಕೊಂಡು ಕೆರೆಗಳ ಏರಿ ಸ್ವಚ್ಛತೆ, ಸೇರಿದಂತೆ ಕೆರೆಗಳ ಪುನಶ್ಚೇತನ ಕಾಮಗಾರಿ ಮಾಡಲಾಗುವುದು ಎಂದರು.

ಜಿಲ್ಲಾಧಿಕಾರಿ ಕವಿತಾ ಎಸ್ ಮನ್ನಿಕೇರಿ, ಎಸ್ಪಿ ಎಸ್.ಜಾಹ್ನವಿ, ಸಣ್ಣ ನೀರಾವರಿ ಇಲಾಖೆ ಎಇಇ ಮಂಜುನಾಥ ಜವಳಿ, ಸಹಾಯಕ ಅಯುಕ್ತ ವಿವೇಕಾನಂದ, ತಹಸೀಲ್ದಾರ್ ವಿ.ಕೆ.ನೇತ್ರಾವತಿ ಇತರರಿದ್ದರು.