ಕೊಟ್ಟೂರೇಶ್ವರ ಕಾರ್ತಿಕೋತ್ಸವ ಅದ್ದೂರಿ

ಮಹಲ್ ಮಠದ ಪೀಠಾಧ್ಯಕ್ಷ ಸೋಮಶಂಕರ ಸ್ವಾಮೀಜಿ, ಕ್ರಿಯಾಮೂರ್ತಿ ಶಿವಪ್ರಕಾಶ ದೇವರು, ಧಾರ್ಮಿಕ ಮತ್ತು ದತ್ತಿ ಇಲಾಖೆ ಇಒ ಮಲ್ಲಪ್ಪ, ಧರ್ಮಕರ್ತ ಎಂ.ಕೆ ಶೇಖರಯ್ಯ, ಬಿಡಿಸಿಸಿ ಬ್ಯಾಂಕ್ ಉಪಾಧ್ಯಕ್ಷ ಐ.ದಾರುಕೇಶ್, ಕಟ್ಟಿಮನಿ ದೈವಸ್ಥರ ಸಮ್ಮುಖದಲ್ಲಿ ದೀಪೋತ್ಸವ ಹಾಗೂ ಕೊಬ್ಬರಿ ಕುಂಡಕ್ಕೆ ಚಾಲನೆ ನೀಡಲಾಯಿತು.

ಆರಾಧ್ಯ ದೇವರು ಶ್ರೀ ಗುರು ಕೊಟ್ಟೂರೇಶ್ವರ ಸ್ವಾಮಿ ಕಾರ್ತಿಕೋತ್ಸವ ಹಿನ್ನೆಲೆಯಲ್ಲಿ ಮಹಿಳೆಯರು ದೀಪ ಹಚ್ಚುತ್ತಿ ರುವುದು.

ಭಕ್ತರು ಸ್ವಾಮಿ ಬೆಳ್ಳಿ ರಥೋತ್ಸವಕ್ಕೆ ನಮಸ್ಕರಿಸಿ ಭಕ್ತಿ ಸಮರ್ಪಿಸಿದರು. ತೊಟ್ಟಿಲುಮಠ, ಮಹಲ್ ಮಠ, ಗಚ್ಚಿನ ಮಠ, ಮೂರ್ಕಲ್ ಮಠ, ತೇರುಬಯಲು ಬಸವೇಶ್ವರ ದೇವಾಲಯ ಮುಂದೆ ದೀಪ ಬೆಳಗಿಸಿ ಪ್ರಾರ್ಥಿಸಿದರು. ಬಸ್ ನಿಲ್ದಾಣದಿಂದ ಗಾಂಧಿ ವೃತ್ತದವರೆಗೆ ರಸ್ತೆಯ ಎರಡು ಬದಿ ನಡೆದ ಲಕ್ಷ ದೀಪೋತ್ಸವ ಕಾರ್ತಿಕೋತ್ಸವಕ್ಕೆ ಮತ್ತಷ್ಟು ಮೆರುಗು ನೀಡಿತು. ದೀಪೋತ್ಸವಕ್ಕೂ ಮುನ್ನ ದೇವಸ್ಥಾನದಲ್ಲಿ ಶ್ರೀ ಗುರು ಕೊಟ್ಟೂರೇಶ್ವರ ಸ್ವಾಮಿಗೆ ಅಭಿಷೇಕ, ವಿವಿಧ ಪೂಜಾ ಕೈಂಕರ್ಯ ನೆರವೇರಿದವು. ಹೆಚ್ಚುವರಿ ಎಸ್ಪಿ, ಡಿವೈಎಸ್ಪಿ, 9 ಜನ ಸಿಪಿಐ, 24 ಜನ ಪಿಎಸ್‌ಐ ಹಾಗೂ 500 ಕ್ಕೂ ಹೆಚ್ಚು ಪೊಲೀಸ್ ಸಿಬ್ಬಂದಿಯನ್ನು ಭದ್ರತೆಗೆ ನಿಯೋಜಿಸಲಾಗಿತ್ತು. ಸಿಸಿ ಕ್ಯಾಮರಾ ಕಣ್ಗಾವಲು ಕೂಡ ಇತ್ತು.

ಕೊಟ್ಟೂರು: ಶ್ರೀಗುರು ಕೊಟ್ಟೂರೇಶ್ವರ ಸ್ವಾಮಿ ಕಾರ್ತಿಕೋತ್ಸವಕ್ಕೆ ದಾವಣಗೆರೆ ವಿನೋಭ ನಗರದ ಚಹಾ ಅಂಗಡಿ ವ್ಯಾಪಾರಿ ಶಂಭು ಪಿ.ಮಮ್ಮಿಗಟ್ಟಿ ದಾವಣಗೆರೆಯಿಂದ 65 ಕಿ.ಮೀ. ದೀರ್ಘದಂಡ ನಮಸ್ಕಾರ ಹಾಕಿದರು. ದಾವಣಗೆರೆಯಿಂದ ಕೊಟ್ಟೂರಿಗೆ ನಾಲ್ಕು ದಿನದಲ್ಲಿ ಆಗಮಿಸಿದರು.

"