ಪ್ರತಿಭೆ ಪ್ರದರ್ಶನಕ್ಕೆ ಕಲೋತ್ಸವ ಸಹಕಾರಿ

ಪಟ್ಟಣದಲ್ಲಿ ಆಯೋಜಿಸಿದ್ದ ತಾಲೂಕು ಮಟ್ಟದ ಪ್ರತಿಭಾ ಕಾರಂಜಿ ಮತ್ತು ಕಲೋತ್ಸವ ಉದ್ಘಾಟಿಸಿ ಮಂಗಳವಾರ ಮಾತನಾಡಿದರು. ತೀರ್ಪುಗಾರರು ಪಕ್ಷಪಾತವಿಲ್ಲದೆ ಫಲಿತಾಂಶ ನೀಡಬೇಕು ಎಂದರು.

ಪುರಸಭೆ ಅಧ್ಯಕ್ಷ ಶೇಖಣ್ಣ ಮಾತನಾಡಿ ಸಮಾಜದಲ್ಲಿ ಶಿಕ್ಷಕರಿಗೆ ವಿಶೇಷ ಸ್ಥಾನವಿದ್ದು, ಆಂತರಿಕ ಭಿನ್ನಾಭಿಪ್ರಾಯಗಳ ಮೂಲಕ ಅದಕ್ಕೆ ಧಕ್ಕೆ ತರದೆ ಮಕ್ಕಳಿಗೆ ಮಾದರಿಯಾಗಬೇಕು. ಶಾಲೆಗೆ ಅಗತ್ಯ ಸೌಲಭ್ಯ ಕಲ್ಪಿಸಲು ಡಿಎಂಎಫ್ ಅನುದಾನ ಕೋರಿ ಜಿಲ್ಲಾಧಿಕಾರಿಗೆ ಕ್ರಿಯಾ ಯೋಜನೆ ಕಳಿಸಲಾಗಿದೆ ಎಂದರು.

ಶಿಕ್ಷಕರ ಸಂಘದ ಜಿಲ್ಲಾ ಅಧ್ಯಕ್ಷ ನಿಂಗಪ್ಪ ಮಾತನಾಡಿ, 18 ಕ್ಲಸ್ಟರ್‌ಗಳ ವಿದ್ಯಾರ್ಥಿಗಳು ಕಲೋತ್ಸವದಲ್ಲಿ ಪಾಲ್ಗೊಂಡಿದ್ದಾರೆ. ಅನುದಾನದ ಕೊರತೆ ನಡುವೆಯೂ ಶಿಕ್ಷಕರು ಸ್ವಂತ ಖರ್ಚಿನಲ್ಲಿ ಮಕ್ಕಳಿಗೆ ವಿವಿಧ ಉಡುಗೆ, ತೊಡುಗೆ ಮೂಲಕ ಸಿಂಗರಿಸಿ ಸ್ಪರ್ಧೆಗೆ ಸಿದ್ಧಗೊಳಿಸುತ್ತಿದ್ದಾರೆ. ಹೀಗಾಗಿ ಮಕ್ಕಳು ಪ್ರತಿಭೆ ಮೂಲಕ ಜಿಲ್ಲಾ ಮತ್ತು ರಾಜ್ಯ ಮಟ್ಟದಲ್ಲಿ ಉತ್ತಮ ಸಾಧನೆ ಮಾಡಬೇಕು ಎಂದರು.

ಪ್ರಮುಖರಾದ ವಿಶ್ವನಾಥ್, ಎರ‌್ರಿಸ್ವಾಮಿ, ಮಸೂತಿ ನಾಗರಾಜ್, ತುಕಾರಾಮ್, ಸಣ್ಣ ಮಾರೆಪ್ಪ, ಜಿ.ಶಿವಶಂಕರ, ಪದ್ಮಾರೆಡ್ಡಿ, ಗವಿಸಿದ್ದಪ್ಪ, ಎಚ್.ಬಸವಾರಾಜ್, ಕಲ್ಲುಕಂಬ ಸಿದ್ದಪ್ಪ, ಶ್ರೀಕಾಂತ್, ಎಚ್.ನಾಗರಾಜ್, ದೇವಣ್ಣ ನಾಯಕ್, ಬಸವರಾಜ್ ಬಲ್ಲೂರು, ಭೀಮಣ್ಣ ಇದ್ದರು.