ಜ.15ರಿಂದ ಮೂರು ದಿನ ನಡೆದ ಹುಲಿ ಗಣತಿ ಸಂದರ್ಭದಲ್ಲಿ ಹ್ಯಾರಡಾದಲ್ಲಿ ಕರಡಿ, ಸೋಗಿ ಗ್ರಾಮದ ಸುತ್ತಲ ಪ್ರದೇಶದಲ್ಲಿ ಚಿರತೆ ಕಾಣಿಸಿಕೊಂಡಿವೆ. ಕಳೆದ ವರ್ಷ ಕರಡಿ ಪಟ್ಟಣದಲ್ಲಿ ಓಡಾಡಿರುವುದು ಸಿಸಿ ಕ್ಯಾಮರಾದಲ್ಲಿ ಸೆರೆಯಾಗಿತ್ತು. ತಾಲೂಕಿನಲ್ಲಿ ಕೊಂಡುಕುರಿ, ಮುಳ್ಳುಹಂದಿ, ಜಿಂಕೆ, ಚಿರತೆ, ನರಿಗಳು ಹೆಚ್ಚಿನ ಸಂಖ್ಯೆಯಲ್ಲಿವೆ. ಇತ್ತೀಚಿಗೆ ಹೊಳಲು, ಹ್ಯಾರಡಾ, ನಾಗತಿಬಸಾಪುರ, ಹರವಿ, ಹಗರನೂರು, ಹೊಳಗುಂದಿ ಭಾಗದಲ್ಲಿ ಚಿರತೆ ಕಾಣಿಸಿಕೊಂಡಿದ್ದು, ಸೆರೆ ಹಿಡಿಯಬೇಕೆಂದು ಗ್ರಾಮಸ್ಥರು ಆಗ್ರಹಿಸುತ್ತಿದ್ದಾರೆ. ಆದರೆ ಇಲಾಖೆಯಲ್ಲಿ ಕೇವಲ ಒಂದೇ ಬೋನು ಇರುವುದರಿಂದ ಯಾವ ಭಾಗದಲ್ಲಿ ಇರಿಸಬೇಕು ಎಂಬುದು ಅರಣ್ಯ ಇಲಾಖೆ ಅಧಿಕಾರಿಗಳಿಗೆ ಸವಾಲಾಗಿ ಪರಿಣಮಿಸಿದೆ.
