ಹಾಲು ಉತ್ಪಾದಕ ಸಂಘಗಳ ಹೆಚ್ಚಳ

ಕಳೆದ ವರ್ಷ ಒಕ್ಕೂಟದಲ್ಲಿ 740 ಹಾಲು ಉತ್ಪಾದಕ ಸಂಘಗಳಿದ್ದವು. ಪ್ರಸ್ತುತ 880 ಕ್ಕೆ ಏರಿಕೆಯಾಗಿವೆ. ಒಂದೇ ವರ್ಷದಲ್ಲಿ 140 ಹಾಲು ಉತ್ಪಾದಕ ಸಂಘಗಳು ಹೆಚ್ಚಳವಾಗಿರುವುದು ಒಕ್ಕೂಟದ ವ್ಯಾಪ್ತಿ ವಿಸ್ತರಿಸಿದೆ. ಒಕ್ಕೂಟದಲ್ಲಿ ಸದ್ಯ 1.30 ಲಕ್ಷ ಸದಸ್ಯರ ಪೈಕಿ ಕೇವಲ 30,000 ಸದಸ್ಯರು ಮಾತ್ರ ಸಕ್ರಿಯವಾಗಿ ಹಾಲು ಉತ್ಪಾದನೆಯಲ್ಲಿ ತೊಡಗಿದ್ದಾರೆ.

ರಾಯಚೂರು, ಬಳ್ಳಾರಿ, ವಿಜಯನಗರ ಹಾಗೂ ಕೊಪ್ಪಳ ಜಿಲ್ಲೆಗಳನ್ನು ಒಳಗೊಂಡ ಈ ಒಕ್ಕೂಟದ ವ್ಯಾಪ್ತಿಯಲ್ಲಿ ಒಟ್ಟು 13.30 ಲಕ್ಷ ರಾಸುಗಳಿವೆ. ಇದರಲ್ಲಿ ವಿಜಯನಗರ 1.60 ಲಕ್ಷ, ಕೊಪ್ಪಳ 1.50 ಲಕ್ಷ, ರಾಯಚೂರು 1.40 ಲಕ್ಷ , ಬಳ್ಳಾರಿ ಒಂದು ಲಕ್ಷ ರಾಸುಗಳು ಸೇರಿ 5.50 ಲಕ್ಷ ಹಸುಗಳು ಹಾಲು ನೀಡುವ ಸಾಮರ್ಥ್ಯ ಹೊಂದಿವೆ. ಒಕ್ಕೂಟದ ನಾಲ್ಕು ಜಿಲ್ಲೆಗಳಲ್ಲಿರುವ ಹಸುಗಳಿಂದ ದಿನಕ್ಕೆ ಅಂದಾಜು 17 ಲಕ್ಷ ಲೀಟರ್ ಹಾಲು ಉತ್ಪಾದಿಸುವ ಸಾಮರ್ಥ್ಯವಿದೆ. ಆದರೆ, ಪ್ರಸ್ತುತ ಆರ ರಿಂದ ಏಳು ಲಕ್ಷ ಲೀಟರ್‌ಗೆ ಮಾತ್ರ ಸೀಮಿತವಾಗಿದೆ. ಇದರಲ್ಲಿ ಒಕ್ಕೂಟಕ್ಕೆ ಸದ್ಯ 2.40 ಲಕ್ಷ ಲೀಟರ್ ಹಾಲು ಸಂಗ್ರಹವಾಗುತ್ತಿದ್ದು, ಕಳೆದ ವರ್ಷ ದಿನಕ್ಕೆ 1.80 ಲಕ್ಷ ಲೀಟರ್ ಒಕ್ಕೂಟದಲ್ಲಿ ಸಂಗ್ರಹವಾಗುತ್ತಿತ್ತು. ಸಾವಿರಾರು ರೈತರು ಒಕ್ಕೂಟದ ಬೆಲೆಗಿಂತ ಹೆಚ್ಚಿನ ಲಾಭ ಪಡೆಯುವ ಉದ್ದೇಶದಿಂದ ಖಾಸಗಿ ಒಕ್ಕೂಟಗಳಿಗೆ ಹಾಲು ಮಾರಾಟ ಮಾಡುತ್ತಿದ್ದಾರೆ.

ಹಾಲು ಸಾರ್ಮಥ್ಯ ಕುಂಠಿತ : ಇತ್ತೀಚಿನ ದಿನಗಳಲ್ಲಿ ಕೈಗಾರಿಕೆ ಸೇರಿದಂತೆ ನಾನಾ ವಲಯಗಳಿಗೆ ಆಸಕ್ತಿ ವಹಿಸುವುದರಿಂದ ಹೈನುಗಾರಿಕೆಗೆ ಅಗತ್ಯವಾದ ಕೂಲಿ ಕಾರ್ಮಿಕರ ಅಭಾವ ಕಾಡುತ್ತಿದೆ. ಸಾವಿರಾರು ರೈತರು ಗ್ರಾಮೀಣ ಪ್ರದೇಶದಲ್ಲಿ ಕೃಷಿ ಚಟುವಟಿಕೆ ಬಿಟ್ಟು ನಗರಗಳತ್ತ ವಲಸೆ ಬೆಳೆಸುತ್ತಿದ್ದಾರೆ. ಕೆಲ ಪ್ರದೇಶಗಳಲ್ಲಿ ಜಾನುವಾರುಗಳಿಗೆ ಸುಸಜ್ಜಿತವಾದ ಕೊಟ್ಟಿಗೆಗಳ ಹಾಗೂ ಮೇವಿನ ಕೊರತೆಯಿದೆ. ಇದಲ್ಲದೇ, ಲಕ್ಷಾಂತರ ರೂ. ವ್ಯಯಿಸಿ ನಾನಾ ರಾಜ್ಯಗಳಿಂದ ಬೇರೆ ತಳಿಯ ಹಸುಗಳು ತಂದರೂ ಇಲ್ಲಿನ ವಾತವರಣಕ್ಕೆ ಹೊಂದಿಕೊಳ್ಳದೆ ರೋಗ ಹರಡುವ ಭೀತಿಯಿದೆ. ಚಿಕಿತ್ಸೆಗಾಗಿ ಉತ್ತಮ ವೈದ್ಯಕೀಯ ಸಿಬ್ಬಂದಿ ಕೊರತೆಯಿದೆ. ಆದ್ದರಿಂದ, ಕಳೆದ ಎರಡ್ಮೂರು ವರ್ಷದ ಹಿಂದೆ ನಾಲ್ಕ ರಿಂದ ಐದು ಹಸುಗಳಿದ್ದ ಮನೆಯಲ್ಲಿ, ಸದ್ಯ ಎರಡಕ್ಕೆ ಇಳಿದಿವೆ. ಸರ್ಕಾರ ಹೈನುಗಾರಿಕೆ ಮೂಲ ಸೌಕರ್ಯ ಜತೆ ಹಾಗೂ ಅಗತ್ಯ ಚಿಕಿತ್ಸೆ ಸೌಲಭ್ಯ ಒದಗಿಸಲಿ ಎಂಬುದು ರೈತರ ಆಶಯವಾಗಿದೆ.

ಬಾಕ್ಸ್ : ರಾಬಕೊವಿ ಒಕ್ಕೂಟವು ಹಾಲು ಉತ್ಪಾದನೆ ಹೆಚ್ಚಿಸುವ ನಿಟ್ಟಿನಲ್ಲಿ ಮಹತ್ವಾಕಾಂಕ್ಷೆಯ ತಾಲೂಕಿನ ಕೊಳಗಲ್ ಗ್ರಾಮದಲ್ಲಿ 15 ಎಕರೆ ವಿಶಾಲ ಪ್ರದೇಶದಲ್ಲಿ ಮೆಗಾಡೇರಿ ನಿರ್ಮಿಸಲು ಉದ್ದೇಶಿಸಿದೆ. ಇದಕ್ಕಾಗಿ 15 ಎಕರೆ ಸ್ಥಳವನ್ನು ಗುರುತಿಸಲಾಗಿದ್ದು, ಸದ್ಯ ಈ ಜಾಗದ ಎರಡು ಕಡೆಗಳಲ್ಲಿ ಹೈ ಟೆನ್ಷನ್ (ಎಚ್‌ಟಿ) ವೈರ್ ವಿದ್ಯುತ್ ತಂತಿ ಹಾಕಲಾಗಿದೆ. ಮೆಗಾಡೇರಿ ಕಾಮಗಾರಿ ಆರಂಭಕ್ಕೂ ಮುನ್ನ ಈ ವಿದ್ಯುತ್ ತಂತಿಗಳನ್ನು ತೆರವುಗೊಳಿಸಬೇಕೆಂದು ಸ್ಥಳೀಯರು ಆಗ್ರಹಿಸಿದ್ದಾರೆ. ಒಕ್ಕೂಟದ ಮೂಲಸೌಕರ್ಯಗಳ ಅಭಿವೃದ್ಧಿ ಮತ್ತು ಮೆಗಾಡೇರಿಯಂತಹ ಯೋಜನೆಗಳ ವೇಗದ ಅನುಷ್ಠಾನದೊಂದಿಗೆ, ಉತ್ಪಾದಕರಲ್ಲಿ ಹೆಚ್ಚಿನ ಆಸಕ್ತಿ ಮೂಡಿಸಿದಾಗ ಮಾತ್ರ ನಿರೀಕ್ಷಿತ ಗುರಿ ತಲುಪಲು ಸಾಧ್ಯವಾಗಲಿದೆ.

ಕೋಟ್... ಒಕ್ಕೂಟದ ವ್ಯಾಪ್ತಿಯಲ್ಲಿ ಹಾಲು ಉತ್ಪಾದಕ ಸಂಘಗಳ ಹೆಚ್ಚಿವೆ. ನಿರೀಕ್ಷಿತ ಮಟ್ಟದಲ್ಲಿ ಹಾಲು ಉತ್ಪಾದಿಸಲು ನಾನಾ ಯೋಜನೆ ರೂಪಿಸಲಾಗುವುದು.

- ಪ್ರಭು ಶಂಕರ್, ಎಂಡಿ, ರಾಬಕೊವಿ ಒಕ್ಕೂಟ, ಬಳ್ಳಾರಿ.