ಕೂಡ್ಲಿಗಿ ಸಾಂಸ್ಕೃತಿಕ-ಅಧ್ಯಾತ್ಮದ ತವರು

ಕಾನಹೊಸಹಳ್ಳಿ:

ಬರಪೀಡಿತ ಕೂಡ್ಲಿಗಿ ತಾಲೂಕು ಆಧ್ಯಾತ್ಮಿಕ ಮತ್ತು ಸಾಂಸ್ಕೃತಿಕ ಪರಂಪರೆಯಲ್ಲಿ ಶ್ರೀಮಂತವಾಗಿದೆ ಎಂದು ಶಾಸಕ ಡಾ.ಎನ್.ಟಿ. ಶ್ರೀನಿವಾಸ್ ಹೇಳಿದರು.

ಐಗಳಮಲ್ಲಾಪುರದಲ್ಲಿ ಶನಿವಾರ ಆರಾಧ್ಯದೈವ ಶ್ರೀ ವೀರಾಂಜನೇಯ ಸ್ವಾಮಿ ದಾಸೋಹ ಭವನ ಉದ್ಘಾಟಿಸಿ ಮಾತನಾಡಿದರು.ಧಾರ್ಮಿಕ ಕಾರ್ಯಗಳೆಂದರೆ ಬರಿ ಪೂಜೆಗೆ ಸೀಮಿತವಾಗಿಲ್ಲ. ಅವು ಸಮಾನತೆ, ಮಾನವೀಯ ಮೌಲ್ಯ ವೃದ್ಧಿಸುವ ವೇದಿಕೆ ಎಂದರು.

ಮೊಳಕಾಲ್ಮೂರು ಶಾಸಕ ಎನ್.ವೈ.ಗೋಪಾಲಕೃಷ್ಣ ಮಾತನಾಡಿ, ಕೂಡ್ಲಿಗಿ ಕ್ಷೇತ್ರ ಆಧ್ಯಾತ್ಮಿಕ ಸೇವೆಯಲ್ಲಿ ಮುಂದಿದೆ. ಇಲ್ಲಿನ ಮಠಗಳು ನೂರಾರು ವರ್ಷಗಳಿಂದ ತಳಸಮುದಾಯ ಮತ್ತು ಬಡಮಕ್ಕಳಿಗೆ ಅನ್ನ, ಅಕ್ಷರ, ದಾಸೋಹ ನೀಡುತ್ತಾ ಬಂದಿವೆ ಎಂದರು.

ಜಗಳೂರು ಶಾಸಕ ದೇವೇಂದ್ರಪ್ಪ, ಮಾಜಿ ಸಚಿವ ಬಿ. ಶ್ರೀರಾಮುಲು ಮಾತನಾಡಿದರು.ಒಪ್ಪೇಶ್ವರಮಠದ ಶ್ರೀ ನಿರಂಜನ ಪ್ರಭು ಸ್ವಾಮೀಜಿ, ಕೂಡ್ಲಿಗಿ ಹಿರೇಮಠ ಶ್ರೀ ಪ್ರಶಾಂತ ಸಾಗರ ಸ್ವಾಮೀಜಿ, ಕಾನಾಮಡುಗು ದಾಸೋಹ ಮಠದ ಧರ್ಮಾಧಿಕಾರಿ ಐಮುಡಿ ಶರಣಾರ್ಯರರು ಸಾನ್ನಿಧ್ಯ ವಹಿಸಿದ್ದರು. ಬಣವಿಕಲ್ಲು ಎರ‌್ರಿಸ್ವಾಮಿ, ಎಚ್.ರೇವಣ್ಣ, ಟಿ.ಜಿ.ಮಲ್ಲಿಕಾರ್ಜುನ, ಹುಡೇಂ ಪಾಪನಾಯಕ, ಚನ್ನಬಸವನಗೌಡ, ಕೂಡ್ಲಿಗಿ ಭೀಮಣ್ಣ, ಬಣಕಾರ ವೀರಭದ್ರಪ್ಪ ಇತರರಿದ್ದರು.