ಮಾನವತೆ ನಿಜ ಧರ್ಮದ ಮೂಲ

ನಗರದ ತೆಗ್ಗಿನ ಮಠ ಆವರಣದಲ್ಲಿ ಚಂದ್ರಶೇಖರ ಶಿವಾಚಾರ್ಯ ಸ್ವಾಮೀಜಿ ಅವರ 79ನೇ ಸಂಸ್ಮರಣೆ ಪ್ರಯುಕ್ತ ಶನಿವಾರ ಹಮ್ಮಿಕೊಂಡಿದ್ದ ಸಾಮೂಹಿಕ ವಿವಾಹ ಹಾಗೂ ಧರ್ಮಸಭೆ ಕಾರ್ಯಕ್ರಮದ ಸಾನ್ನಿಧ್ಯವಹಿಸಿ ಆಶೀರ್ವಚನ ನೀಡಿದರು.  

ಸಾಮೂಹಿಕ ವಿವಾಹಗಳು ಸನಾತನ ಪರಂಪರೆಯ ಪುನರ್ಜೀವನವಾಗಿವೆ. ಇಲ್ಲಿ ನಡೆಯುವ ಮದುವೆಗಳು ಕುಟುಂಬಗಳ ದೂರದೃಷ್ಟಿಯ ಕನಸುಗಳಾಗಿವೆ. ಮಾನವತೆಯು ನಿಜವಾದ ಧರ್ಮದ ಮೂಲವಾಗಿದ್ದು, ಪಾಲಿಸುವಂತೆ ತಿಳಿಸಿದರು.

ಸಂಸದ ಈ. ತುಕಾರಾಮ್ ಮಾತನಾಡಿ, ಸರ್ಕಾರಗಳು ಮಾಡಬೇಕಾದ ಕೆಲಸ, ಕಾರ್ಯಗಳನ್ನು ಮಠ-ಮಾನ್ಯಗಳು ಮಾಡುತ್ತಿರುವುದು ಶ್ಲಾಘನೀಯ. ಬಡತನದಲ್ಲಿ ಹುಟ್ಟುವುದು ತಪ್ಪಲ್ಲ, ಆದರೆ ಅದರಲ್ಲಿಯೇ ಸಾಯುವುದು ಮಹಾ ಪಾಪ. ತಂದೆ-ತಾಯಿಗಳ ಬದುಕನ್ನು ಮಕ್ಕಳು ಅನುಕರಣೆ ಮಾಡುವ ಮೂಲಕ ಸಂಸ್ಕಾರಯುತ ಜೀವನ ಪಾಲನೆ ಮಾಡಬೇಕೆಂದರು. 

ಶಾಸಕಿ ಎಂ.ಪಿ. ಲತಾ ಮಲ್ಲಿಕಾರ್ಜುನ ಮಾತನಾಡಿ, ವಧು-ವರರು ಒಬ್ಬರನ್ನೊಬ್ಬರು ಅರಿತು ಸುಖೀ ಜೀವನ ನಡೆಸಬೇಕು ಎಂದರು.

ಬಿಡಿಸಿಸಿ ಬ್ಯಾಂಕ್ ನಿರ್ದೇಶಕ ವೈ.ಡಿ. ಅಣ್ಣಪ್ಪ ಮಾತನಾಡಿದರು. ಡಾ.ಟಿ.ಎಂ. ಜ್ಯೋತಿ ಕಿರಣ್ ಕುಮಾರ್‌ಗೆ ಪ್ರೇರಣಾದಾಯಕ ಮಹಿಳಾ ನಾಯಕಿ ಪ್ರಶಸ್ತಿ ಪ್ರದಾನ ಮಾಡಲಾಯಿತು. 21 ನವ ಜೋಡಿಗಳು ದಾಂಪತ್ಯಕ್ಕೆ ಕಾಲಿಟ್ಟವು.