ಅಡಕೆ ತೋಟದಲ್ಲಿ ಪದವೀಧರನ ಕೃಷಿ ಕ್ರಾಂತಿ

ಪ್ರಮುಖ ಮುಖ್ಯಾಂಶಗಳು

• ಮಣ್ಣಿನಲ್ಲೇ ಚಿನ್ನ ಕಂಡುಕೊಂಡ ಶಿವಪ್ರಕಾಶ
• ಪ್ರತಿ ವರ್ಷ 20 ಲಕ್ಷ ರೂ. ಆದಾಯ ನಿರೀಕ್ಷೆ
• ಹಲುವಾಗಲಿನಲ್ಲಿ ಹುಲುಸಾಗಿರುವ ಅಡಕೆ ಬೆಳೆ

ಪದವಿ ಶಿಕ್ಷಣ ಪಡೆದ ವಿದ್ಯಾರ್ಥಿಗಳು ಸರ್ಕಾರಿ ಉದ್ಯೋಗವನ್ನು ಗಿಟ್ಟಿಸಿಕೊಳ್ಳುವ ತವಕದಲ್ಲಿ ತಮ್ಮ ಅರ್ಧದಷ್ಟು ಜೀವನವನ್ನು ಶಿಕ್ಷಣ ಕಲಿಕೆಯಲ್ಲಿ ಕಳೆದು ವಿಫಲವಾಗುತ್ತಿದ್ದಾರೆ. ಶಿಕ್ಷಣದ ಜೊತೆಗೆ ನಮ್ಮ ಪೂರ್ವಜರು ನಮಗೆ ನೀಡಿರುವ ಭೂಮಿಯಲ್ಲಿ ಸಾವಯವ ಬೇಸಾಯ ಪದ್ಧತಿ ಅಳವಡಿಸಿಕೊಂಡು ದೀರ್ಘಕಾಲಿಕ ಕೃಷಿ ಮಾಡುವ ಕಡೆಗೆ ಗಮನಹರಿಸಬೇಕು.

ತಾಲೂಕಾದ್ಯಂತ ವರ್ಷದಿಂದ ವರ್ಷಕ್ಕೆ ದೀರ್ಘಕಾಲಿಕ ಬೆಳೆಯನ್ನು ಬೆಳೆಯುವ ರೈತರ ಸಂಖ್ಯೆ ಹೆಚ್ಚುತ್ತಿರುವುದು ಖುಷಿಯ ಸಂಗತಿ. ರೈತರು ರಾಸಾಯನಿಕ ಔಷಧ ಸಿಂಪಡಣೆ ಕಡಿಮೆಗೊಳಿಸಿ, ಸಾವಯವ ಬೇಸಾಯ ಪದ್ಧತಿ ಅನುಸರಿಸಿದರೆ ಭೂಮಿಯು ದೀರ್ಘಕಾಲ ತನ್ನ ಫಲವತ್ತತೆ ಹೊಂದುತ್ತದೆ.