ಗ್ಯಾಸ್ ಅಭಾವ ಹೋಟೆಲ್ ಉದ್ಯಮಕ್ಕೆ ಪೆಟ್ಟು

ನಗರದ ಪ್ರಮುಖ ಹೋಟೆಲ್, ವಸತಿನಿಲಯ ಹಾಗೂ ಆಸ್ಪತ್ರೆಗಳಿಗೆ ದಿನಕ್ಕೆ ಸರಾಸರಿ ಆರರಿಂದ ಎಂಟು ವಾಣಿಜ್ಯ ಸಿಲಿಂಡರ್‌ಗಳನ್ನು ಪೂರೈಸಲಾಗುತ್ತಿತ್ತು. ಆದರೆ, ಮಂಗಳವಾರ ಸಂಜೆಯ ಹೊತ್ತಿಗೆ ಈ ಪ್ರಮಾಣ ಕೇವಲ ಒಂದರಿಂದ ಎರಡಕ್ಕೆ ಇಳಿದಿದೆ. ಬುಧವಾರ ಸಂಜೆಯಿಂದ ಸಂಪೂರ್ಣವಾಗಿ ಸ್ಥಗಿತಗೊಳ್ಳಲಿದೆ ಎನ್ನಲಾಗಿದೆ. ಸದ್ಯ, ಹೋಟೆಲ್‌ಗಳಿಗೆ ಪೂರೈಕೆಯಾಗುತ್ತಿರುವ ವಾಣಿಜ್ಯ ಅಡುಗೆ ಅನಿಲ (ಗ್ಯಾಸ್)ಯೂ ಯುದ್ಧ ಮುಂದುವರೆದಲ್ಲಿ ಗುರುವಾರದಿಂದ ಕೆಲ ಹೋಟೆಲ್‌ಗಳು ಬಂದ್‌ಯಾಗುವ ಸಾಧ್ಯತೆಯಿದೆ ಎನ್ನಲಾಗಿದೆ.

ವಾಣಿಜ್ಯ ಬಳಕೆಯ ಸಿಲಿಂಡರ್‌ಗಳ ಕೊರತೆಯ ಬೆನ್ನಲ್ಲೇ, ಗೃಹ ಬಳಕೆಯ ಸಿಲಿಂಡರ್‌ಗಳ ಮೇಲೂ ಕೆಲವು ಕಠಿಣ ನಿರ್ಬಂಧ ವಿಧಿಸಲಾಗಿದೆ. ಇನ್ನು ಮುಂದೆ ತಿಂಗಳಿಗೆ ಒಂದು ಸಿಲಿಂಡರ್ ಬುಕಿಂಗ್‌ಗೆ ಮಾತ್ರ ಅವಕಾಶ ಕಲ್ಪಿಸಲಾಗಿದೆ. ವಸತಿ ನಿಲಯ ಹಾಗೂ ಪಿಜಿಗಳಲ್ಲಿ ಡೊಮೆಸ್ಟಿಕ್ ಸಿಲಿಂಡರ್ ಬಳಕೆಗೆ ಕಟ್ಟುನಿಟ್ಟಿನ ಮಿತಿ ಹೇರಲಾಗಿದೆ. ಸದ್ಯಕ್ಕೆ ಗೃಹ ಬಳಕೆಯ ಸಿಲಿಂಡರ್ ಪೂರೈಕೆಯಲ್ಲಿ ಹೆಚ್ಚಿನ ವ್ಯತ್ಯಯವಿಲ್ಲದಿದ್ದರೂ, ಮುನ್ನೆಚ್ಚರಿಕಾ ಕ್ರಮವಾಗಿ ಈ ನಿರ್ಬಂಧ ಜಾರಿಗೆ ತರಲಾಗಿದೆ.

ಶೇ. 90ರಷ್ಟು ಗ್ಯಾಸ್ ಬಳಕೆ : ಜಿಲ್ಲೆಯಲ್ಲಿ ಕಳೆದ ಒಂದು ದಶಕದ ಹಿಂದಿನವರೆಗೂ ಬಹುತೇಕ ಹೋಟೆಲ್‌ಗಳು ನೆಲ್ಲು, ಶೇಂಗಾ ಹೊಟ್ಟು, ಕಟ್ಟಿಗೆ ಸೌದೆಗಳನ್ನು ಬಳಸುತ್ತಿದ್ದವು. ಆಗ ಪ್ರತಿ ತಿಂಗಳು ಇಂತಿಷ್ಟು ಅನಿಲಗಳನ್ನು ಪೂರೈಕೆ ಮಾಡಲಾಗುತ್ತಿತ್ತು. ಪರಿಣಾಮ ಕೆಲವೊಂದು ಹೋಟೆಲ್‌ಗಳು ಗೃಹಬಳಕೆ ಅನಿಲಗಳನ್ನು ಕದ್ದುಮುಚ್ಚಿ ಬಳಸುತ್ತಿದ್ದವು. ಆದರೆ, ಕಳೆದ ಐದಾರು ವರ್ಷಗಳ ಹಿಂದೆ ಹೋಟೆಲ್ ಉದ್ಯಮಗಳಿಗೆ ವಾಣಿಜ್ಯ ಅನಿಲ (ಗ್ಯಾಸ್‌ಗಳು) ಮುಕ್ತವಾಗಿ ಪೂರೈಕೆಯಾಗುತ್ತಿವೆ. ತಿಂಗಳಿಗೆ ಇಂತಿಷ್ಟು ಎಂಬ ನಿರ್ಬಂಧವಿಲ್ಲ. ಟ್ರೇಡರ್‌ಗಳಿಗೆ ದೂರವಾಣಿ ಮೂಲಕ ತಿಳಿಸಿದರೆ ಸಾಕು ತಂದು ಸಿಲಿಂಡರ್‌ಗಳ ಇಳಿಸಿ ಹೋಗುತ್ತಾರೆ. ಹೀಗಾಗಿ ಸದ್ಯ, ಇರುವ ಶೇ.90 ರಷ್ಟು ಹೋಟೆಲ್‌ಗಳು ಹೊಟ್ಟು , ಕಟ್ಟಿಗೆ ಸೌದೆಗಳನ್ನು ಬಿಟ್ಟು ಸಿಲಿಂಡರ್‌ಗಳನ್ನು ಅವಲಿಂಬಿಸಿವೆ. ಇದೀಗ ಇರಾನ್ - ಇಸ್ರೇಲ್ ಯುದ್ದದಿಂದಾಗಿ ವಾಣಿಜ್ಯ ಸಿಲಿಂಡರ್ ಪೂರೈಕೆಯಲ್ಲಿ ಕೊರೆತೆಯಾದರೆ ಹೋಟೆಲ್ ಉದ್ಯಮಕ್ಕೆ ಭಾರಿ ಪೆಟ್ಟು ಬೀಳುವ ಸಾಧ್ಯತೆಯಿದೆ.

ಕೋಟ್.... ಜಿಲ್ಲೆಯಲ್ಲಿ ಗೃಹಬಳಕೆ ಅನಿಲ ಸಮಸ್ಯೆಯಿಲ್ಲ. ಬೇಡಿಕೆ ತಕ್ಕಂತೆ ಪೂರೈಕೆಯಾಗಲಿದೆ. ಮಾಧ್ಯಮಗಳಲ್ಲಿ ಗ್ಯಾಸ್ ಅಭಾವದ ಪ್ರಸಾರವಾಗುತ್ತಿರುವುದರಿಂದ ಕೆಲವರು ಮುನ್ನೇಚ್ಚರಿಕೆ ಕ್ರಮವಾಗಿ ಗ್ಯಾಸ್‌ಗಳಿಗೆ ಮೊರೆ ಹೋಗುತ್ತಿದ್ದಾರೆ. ಆದರೆ, ವಾಣಿಜ್ಯ ಸಿಲಿಂಡರ್‌ಗಳು ಕೆಲವಡೆ ಕೊರತೆಯಾಗುವ ಸಾಧ್ಯತೆಯಿದೆ. ಶೈಕ್ಷಣಿಕ ಸಂಸ್ಥೆಗಳಿಗೆ ಅನಿಲ ಪೂರೈಕೆ ಸಮಸ್ಯೆಯಾಗದಂತೆ ಅದ್ಯತೆ ಮೇರೆಗೆ ವಿತರಿಸಲಾಗುವುದು.

- ಕೆ. ದೇವರಾಜ್, ಉಪನಿರ್ದೇಶಕ, ಆಹಾರ ಇಲಾಖೆ, ಬಳ್ಳಾರಿ.

ಕೋಟ್.. ನಮ್ಮಲ್ಲಿರುವ ಸ್ಟಾಕ್ ಪೂರ್ಣಗೊಂಡಿದೆ. ಪೂರೈಕೆ ಇಲ್ಲದ ಮೇಲೆ ನಾವೇನು ಮಾಡುವುದು?.

- ರಾಘವೇಂದ್ರ, ಗ್ಯಾಸ್ ಡೀಲರ್, ಬಳ್ಳಾರಿ