ಗಮರ್ನಾಹ ಸಾಧನೆ : ಇನ್ನೂ ಎಸ್ಎಸ್ಎಲ್ಸಿ ವಾರ್ಷಿಕ ಪರೀಕ್ಷೆ ಮೂರು ತಿಂಗಳ ಮುನ್ನ ಜಿಲ್ಲೆಯ ಶಾಲಾ ಶಿಕ್ಷಣ ಇಲಾಖೆ ಸರ್ವೇ ನಡೆಸಿತ್ತು. ಇದರಲ್ಲಿ ಪರೀಕ್ಷೆ ಎದುರಿಸಲಿರುವ ಜಿಲ್ಲೆಯ ಸರ್ಕಾರಿ ಶಾಲೆಯ ಶೇ.50ರಷ್ಟು ಮಕ್ಕಳಿಗೆ ಕನ್ನಡ ವಾಕ್ಯ ರಚನೆ ಹಾಗೂ ಕಾಗುಣಿತ ಬರೆಯುವಲ್ಲಿ ಎಡವುತ್ತಿದ್ದಾರೆ ಎಂಬ ಅಂಶ ಕಲೆಹಾಕಿತ್ತು. ಬೆಳಗ್ಗೆ ಒಂಬತ್ತರಿಂದ ಹತ್ತರವರೆಗೆ ವಿಶೇಷ ತರಗತಿ, ಸಂಜೆ ನಾಲ್ಕರಿಂದ ಐದವರೆಗೆ ಗುಂಪು ಅಧ್ಯಯನ, ಬೆಳಗಿನ ಜಾವ ಐದು ಗಂಟೆಗೆ ವೇಕ್ ಆಪ್ ಕಾಲ್, ಲೆಸನ್ ಬೇಸ್ಡ್ ಅಸೆಸ್ಮೆಂಟ್ (ಪಾಠ ಆಧಾರಿತ ಮೌಲ್ಯಮಾಪನ), ಗ್ರಂಥಾಲಯದಲ್ಲಿ ಸ್ಮಾರ್ಟ್ ಕ್ಲಾಸ್ ಸೇರಿದಂತೆ ನಾನಾ ಯೋಜನೆ ರೂಪಿಸಿಕೊಂಡು ರಾಜ್ಯಮಟ್ಟದಲ್ಲಿ 24ನೇ ಸ್ಥಾನಕ್ಕೆ ಜಿಗಿದಿರುವುದು ಗಮರ್ನಾಹ ಸಾಧನೆಯಾಗಿದೆ. ಜಿಲ್ಲೆಯ ಪ್ರೌಢಶಾಲೆಗಳಲ್ಲಿ 487 ಕಾಯಂ ಶಿಕ್ಷಕರ ಹುದ್ದೆಗಳು ಖಾಲಿಯಿವೆ. ಇದರ ನಡುವೆ ಪ್ರಾಯೋಗಿಕ ಪರೀಕ್ಷೆ, ಬಿಸಿಯೂಟ, ಮೊಟ್ಟೆ, ಬಾಳೆಹಣ್ಣು ವಿತರಣೆಯ ವಿವರ, ದಾಖಲೆಗಳ ಸಂಗ್ರಹಣೆ, ನಿಗದಿತ ವೇಳೆಗೆ ವಿಷಯವಾರು ಪಠ್ಯ ಪೂರ್ಣ ಹಾಗೂ ಸರ್ಕಾರಿ ಕೆಲವೊಂದು ಯೋಜನೆಗಳನ್ನು ಸಾರ್ವಜನಿಕರಿಗೆ ತಲುಪಿಸುವ ಜವಾಬ್ದಾರಿ ಶಿಕ್ಷಕರ ಮೇಲಿದೆ. ಪ್ರಸ್ತಕ ಸಾಲಿನಲ್ಲಿಯಾದರೂ ಶಿಕ್ಷಕರ ಕೊರತೆ ನಿಗಿಸಿ ರಾಜ್ಯಮಟ್ಟದಲ್ಲಿ ಹತ್ತನೇ ಸ್ಥಾನ ಪಡೆಯಲಿ ಎಂಬುದು ಜಿಲ್ಲೆಯ ಶಿಕ್ಷಣ ಪ್ರೇಮಿಗಳ ಒತ್ತಾಯವಾಗಿದೆ.
