ಸಿರಗುಪ್ಪ: ತಾಂತ್ರಿಕ ಶಿಕ್ಷಣ ಹಾಗೂ ಪದವಿ ಓದುತ್ತಿರುವ ಪ್ರತಿಭಾವಂತ ಆರ್ಯವೈಶ್ಯ ಸಮುದಾಯದ ವಿದ್ಯಾರ್ಥಿಗಳಿಗೆ ಉಚಿತ ಲ್ಯಾಪ್ ಟಾಪ್ ವಿತರಿಸಿದಲ್ಲಿ ಗುಣಮಟ್ಟ ಶಿಕ್ಷಣ ಪಡೆಯಲು ನೆರವಾಗುತ್ತದೆ ಎಂದು ಕರ್ನಾಟಕ ಆರ್ಯವೈಶ್ಯ ಮಹಾಸಭಾ ಪ್ರಧಾನ ಕಾರ್ಯದರ್ಶಿ ಎಚ್.ಜೆ.ಹನುಮಂತಯ್ಯ ಹೇಳಿದರು.

ಬಳ್ಳಾರಿ ಕನ್ಯಕಾ ಪರಮೇಶ್ವರಿ ದೇವಸ್ಥಾನದಲ್ಲಿ ಕರ್ನಾಟಕ ಆರ್ಯವೈಶ್ಯ ಮಹಾಸಭಾದ ವಿದ್ಯಾರ್ಥಿ ಮಿತ್ರ ಲ್ಯಾಪ್‌ಟಾಪ್ ಯೋಜನೆಯಡಿ ಉಚಿತ ಲ್ಯಾಪ್‌ಟಾಪ್ ವಿತರಿಸಿ ಶುಕ್ರವಾರ ಮಾತನಾಡಿದರು. ಮಕ್ಕಳಲ್ಲಿ ಡಿಜಿಟಲ್ ಸಾಕ್ಷರತೆಯನ್ನು ಹೆಚ್ಚಿಸುವ ಹಾಗೂ ಗ್ರಾಮೀಣ ಭಾಗದ ವಿದ್ಯಾರ್ಥಿಗಳಿಗೆ ಕೃತಕ ಬುದ್ಧಿಮತ್ತೆಯ ಪ್ರಯೋಜನಗಳನ್ನು ತಲುಪಿಸುವ ಉದ್ದೇಶದಿಂದ ಮಹಾಸಭಾ ಅಧ್ಯಕ್ಷ ಆರ್.ಪಿ.ರವಿಶಂಕರ್ ನೇತೃತ್ವದಲ್ಲಿ ರಾಜ್ಯಾದ್ಯಂತ 60 ಲಕ್ಷ ರೂ. ಮೌಲ್ಯದ 200 ಲ್ಯಾಪ್‌ಟಾಪ್‌ಗಳನ್ನು ಉಚಿತವಾಗಿ ನೀಡಲಾಗಿದೆ ಎಂದರು.

ವಿಭಾಗೀಯ ಉಪಾಧ್ಯಕ್ಷರಾದ ನಾ.ಮ.ನಾಗರಾಜ್, ಜಯಂತಿ ಕಿಶೋರ್, ಪ್ರಮುಖರಾದ ಕೋಸಿಗಿ ನಾಗರಾಜ್, ಗಾದೆಮ್ಮ ಗೋಪಾಲಕೃಷ್ಣ, ಶ್ರೀಧರ ಇತರರಿದ್ದರು.