ಮೌಲ್ಯಾಧಾರಿತ ಶಿಕ್ಷಣಕ್ಕೆ ಅನುಕೂಲ

ಪಟ್ಟಣದ ಬಿಆರ್‌ಸಿ ಕಚೇರಿಯಲ್ಲಿ 6,7,8ನೇ ತರಗತಿಗಾಗಿ ಸಂಪನ್ಮೂಲ ವ್ಯಕ್ತಿಗಳು ತಯಾರಿಸಿರುವ ‘ಹೊಸದಿಕ್ಕು-ನವಹೆಜ್ಜೆ’ ಕಲಿಕೆಗೆ ಪೂರಕವಾಗುವ ಪ್ರಶ್ನೆಪತ್ರಿಕೆಗಳನ್ನು ಬಿಡುಗಡೆ ಮಾಡಿ ಮಾತನಾಡಿದರು. ಈ ಪ್ರಶ್ನೆ ಪತ್ರಿಕೆ ಪಠ್ಯ ಜ್ಞಾನಕ್ಕೆ ಮಾತ್ರ ಸೀಮಿತವಾಗದೆ, ವಿದ್ಯಾರ್ಥಿಗಳಲ್ಲಿ ಚಿಂತನಾ ಶಕ್ತಿ, ಸೃಜನಶೀಲ, ಮೌಲ್ಯಾಧಾರಿತ ಶಿಕ್ಷಣವನ್ನು ಬೆಳೆಸುವ ಉದ್ದೇಶ ಹೊಂದಿವೆ ಎಂದರು.

ಯೋಜನೆಯ ಸಂಯೋಜಕ ಅಂಕಸಮುದ್ರ ಪ್ರೌಢಶಾಲೆ ಶಿಕ್ಷಕ ಕೊಟ್ರೇಶ ಮಾತನಾಡಿ, ಈ ಪ್ರಶ್ನೆಪತ್ರಿಕೆಗಳು ವಿದ್ಯಾರ್ಥಿಗಳ ಜ್ಞಾನದೊಂದಿಗೆ ಸಾಮರ್ಥ್ಯ ಹೆಚ್ಚಿಸಿ, ಮುಂದಿನ ಕಲಿಕೆಯ ಮಾರ್ಗದರ್ಶನ ನೀಡಲಿವೆ ಎಂದರು. ಪ್ರಶ್ನೆಪತ್ರಿಕೆ ತಯಾರಿಕೆ ನೋಡೆಲ್ ಅಧಿಕಾರಿ ಪರಮೇಶ್ವರಯ್ಯ ಸೊಪ್ಪಿಮಠ ಮಾತನಾಡಿ, ತಾಲೂಕನ್ನು ರಾಜ್ಯದ ಆಗ್ರಶ್ರೇಣಿಯತ್ತ ಕೊಂಡೊಯ್ಯುಯವ ಕೆಲಸವಾಗಬೇಕಿದೆ ಎಂದರು.

ಇಸಿಒ ಶಿವಲಿಂಗಸ್ವಾಮಿ, ಎಂ.ಗುರುಬಸವರಾಜ, ಎಚ್.ರುದ್ರಪ್ಪ, ರಿಯಾಜ್, ಮುಖ್ಯಶಿಕ್ಷಕರಾದ ಪುಂಡಲೀಕರೆಡ್ಡಿ, ಮಂಜುಳಾ ಮಂಚಾಲಿ, ಸಂಪನ್ಮೂಲ ವ್ಯಕ್ತಿಗಳಾದ ಎಸ್.ಕೊಟ್ರೇಶ, ಪಿ.ಸುರೇಶ, ಮುರುಘರಾಜ ಇನ್ನಿತರರಿದ್ದರು.