ಪ್ರಸ್ತಕ ಸಾಲಿನಲ್ಲಿ ಬೆಂಬಲ ಬೆಲೆ ಯೋಜನೆಯಡಿ ಕಿರು ಸಿರಿಧಾನ್ಯಗಳಾದ ಸಾಮೆ, ನವಣೆ, ರಾಗಿ, ಜೋಳ, ಮೆಕ್ಕೆಜೋಳ ಬೆಳೆಗಳನ್ನು ಖರೀದಿಸಲಾಗುತ್ತಿದೆ. ರೈತರು ಫ್ರೂಟ್ಸ್ ತಂತ್ರಾಂಶದಲ್ಲಿ ನೊಂದಣಿ ಮಾಡಿಕೊಳ್ಳಬೇಕು. ನಂತರ ಆಯಾ ತಾಲೂಕಿನ ಕೃಷಿ ಉತ್ಪನ್ನ ಮಾರುಕಟ್ಟೆ ಹಾಗೂ ಕಚೇರಿಗಳಲ್ಲಿ ತೆರೆಯಲಾಗುವ ಖರೀದಿ ಕೇಂದ್ರಗಳಲ್ಲಿ ಬೆಂಬಲ ಬೆಲೆಯಡಿ ಬೆಳೆದ ಬೆಳೆಯನ್ನು ನೊಂದಯಿಸಿಕೊಳ್ಳಬೇಕು. ಈ ಬಾರಿ ಎಂಎಸ್ಪಿಯಡಿ ಧಾನ್ಯಗಳ ಬೆಲೆ ಏರಿಕೆಗೊಂಡಿದೆ. ಹೀಗಾಗಿ ಕೆಲವೊಂದು ಪಾಳು ಬಿದ್ದ ಭೂಮಿ ಹಾಗೂ ಬೆಂಬಲ ಬೆಲೆಯಡಿ ಬೆಳೆಯದ ಬೆಳೆಯನ್ನು ರಾಗಿ, ಜೋಳ ಎಂಬುದಾಗಿ ಕೃಷಿ ಇಲಾಖೆಯ ಕೆಲ ಅಧಿಕಾರಿಗಳ ಕುಮ್ಮುಕ್ಕಿನಿಂದ ಬೆಳೆ ಸಮೀಕ್ಷೆಯಲ್ಲಿ ನಮೂದಿಸಿ ಎಂಎಸ್ಪಿ ಲಾಭ ಪಡೆಯಲು ಯತ್ನಿಸುತ್ತಿದ್ದಾರೆ. ಈಗಾಗಲೇ ಮುಂಗಾರಿನಲ್ಲಿ ಬೆಳೆದಿರುವ ಮೆಕ್ಕಜೋಳ, ಜೋಳ ನೋಂದಣಿ ಪೂರ್ಣಗೊಂಡಿದ್ದು ಇನ್ನೂ ರಾಜ್ಯಾದ್ಯಾಂತ ಸಾವಿರಾರು ರೈತರು ನೊಂದಣಿಯಾಗದೆ ಪೂರ್ಣಗೊಂಡಿದೆ. ಆದ್ದರಿಂದ, ರಾಜ್ಯದಲ್ಲೇ ಮೊದಲ ಬಾರಿಗೆ ಈಗಾಗಲೇ ನೊಂದಣಿಯಾಗಿರುವ ರೈತರ ಭೂಮಿಗಳನ್ನು ಜಿಲ್ಲಾಧಿಕಾರಿ ನೇತೃತ್ವದ ತಂಡವೂ ಡ್ರೋನ್ ಮೂಲಕ ಸರ್ವೇ ನಡೆಸಿ ಆ ಭೂಮಿಯಲ್ಲಿ ಎಂಎಸ್ಪಿಯಡಿ ಬೆಳೆಯಲ್ಲದೆ ಪರ್ಯಾಯ ಬೆಳೆ ಬೆಳೆದಿದ್ದರೆ ನೊಂದಣಿ ರದ್ದುಗೊಳಿಸಲು ಉದ್ದೇಶಿಸಿದೆ. ಇದರಿಂದ ಅಕ್ರಮವಾಗಿ ಸಮೀಕ್ಷೆಗೊಂಡವರು ಹೊರ ಹಾಕಿ, ಎಂಎಸ್ಪಿಯಡಿ ಬೆಳೆದವರಿಗೆ ಅವಕಾಶ ಕಲ್ಪಿಸಲಾಗುವುದು. ಪ್ರಾಥಮಿಕವಾಗಿ ಜೋಳದ ಬೆಳೆ ಡ್ರೋನ್ ಮೂಲಕ ಸಮೀಕ್ಷೆ ನಡೆಯಲಿದ್ದು, ಹಂತ ಹಂತವಾಗಿ ಬೇರೆ ಬೇರೆ ಬೆಳೆಯ ಸರ್ವೇ ನಡೆಯಲಿದೆ.
