ಸ್ತ್ರೀ ಸ್ವಹಾಯ ಸಂಘಗಳಿಗೆ ಹಸುಗಳ ವಿತರಣೆ

45.52 ಕೋಟಿ ರೂ. ಅನುದಾನಕ್ಕೆ 2024ರ ಏಪ್ರಿಲ್ ತಿಂಗಳಲ್ಲೇ ಕೆಎಂಆರ್‌ಸಿ ಅನುಮೋದನೆ ನೀಡಿದೆ. ಅಲ್ಲದೆ, ಗಣಿಬಾಧಿತ ಪ್ರದೇಶದಲ್ಲಿ ಅರ್ಜಿ ಆಹ್ವಾನಿಸಿ ಅರ್ಹ ಫಲಾನುಭವಿಗಳಿಗೆ ವೈಯಕ್ತಿಕವಾಗಿ ಹಸುಗಳ ವಿತರಿಸಲು ನಿರ್ಧರಿಸಲಾಗಿತ್ತು. ಆದರೆ, ವೈಯಕ್ತಿಕವಾಗಿ ವಿತರಿಸಿದರೆ ಹಸುಗಳಿಂದ ಉತ್ಪಾದನೆಯಾದ ಹಾಲನ್ನು ರಾಬಕೊವಿ ಒಕ್ಕೂಟದ ಸಂಘಗಳಿಗೆ ನೀಡದೆ, ಹೆಚ್ಚಿನ ಹಣ ಪಡೆಯುವ ಉದ್ದೇಶದಿಂದ ಖಾಸಗಿ ಸಂಘಗಳಿಗೆ ನೀಡಿದರೆ ನಿರೀಕ್ಷಿಸಿದ ಮಟ್ಟದ ಒಕ್ಕೂಟಕ್ಕೆ ಹಾಲು ಉತ್ಪಾದನೆಯಾಗುವುದಿಲ್ಲ. ಅಲ್ಲದೆ, ಸರ್ಕಾರ ಪ್ರತಿಯೊಂದು ಯೋಜನೆಗಳು ಪತ್ರಿಕಾ ಪ್ರಕಟಣೆ ಮೂಲಕ ಟೆಂಡರ್ ಕರೆದು ಇಂತಿಷ್ಟು ಅನುದಾನ ಎಂಬುದಾಗಿ ಮೀಸಲಿಟ್ಟು ವಿತರಿಸುವುದು ಸಾಮಾನ್ಯವಾಗಿದೆ. ಆದರೆ, ರಾಜ್ಯದಲ್ಲಿಯೇ ಮೊದಲ ಬಾರಿಗೆ ಕೆಎಂಆರ್‌ಸಿಯೂ ಹಸುಗಳು ವಿತರಣೆ ಹಾಗೂ ಅನುದಾನ ಬಳಸಿಕೊಳ್ಳುವಲ್ಲಿ ಲೋಪ ಹಾಗೂ ಅಕ್ರಮ ಕಂಡು ಬಂದರೆ ಸುಪ್ರಿಂ ಕೋರ್ಟ್ ನಿವೃತ್ತ ನ್ಯಾಯಾಧೀಶರ ಮೂಲಕ ತನಿಖೆ ನಡೆಯುವ ಉದ್ದೇಶದಿಂದ ಅನುದಾನ ಸೂಕ್ತ ರೀತಿಯಲ್ಲಿ ಸದುಪಯೋಗೊಳ್ಳಲಿ ಎಂಬ ಕಾರಣದಿಂದ ಮಹಿಳಾ ಸ್ವಸಹಾಯ ಸಂಘಗಳಿಗೆ ಹಸುಗಳ ವಿತರಿಸಲು ಮುಂದಾಗಿದೆ.

ನಿರ್ವಹಣೆ ಸಾಧ್ಯವೇ ? : ಸದ್ಯ ಜಿಲ್ಲಾದ್ಯಂತ ನಾಲ್ಕನೂರಕ್ಕೂ ಅಧಿಕ ಮಹಿಳಾ ಸ್ವಸಹಾಯ ಸಂಘಗಳಿದ್ದು 40 ಸಾವಿರಕ್ಕೂ ಅಧಿಕ ಸದಸ್ಯರಿದ್ದಾರೆ. ಸದ್ಯ ಈ ಅನುದಾನವೂ ಸಂಡೂರು ತಾಲೂಕಿನ 108, ಬಳ್ಳಾರಿ ತಾಲೂಕಿನ ಗಣಿಭಾದಿತ ಪ್ರದೇಶದ 50 ಹಳ್ಳಿಗಳು ಸೇರಿದಂತೆ ಒಟ್ಟಾರೆ 158 ಹಳ್ಳಿಗಳಿಗೆ, 5500 ಫಲಾನುಭವಿಗಳಿಗೆ ಮಾತ್ರ 11 ಸಾವಿರ ಹಸುಗಳು ವಿತರಿಸುವ ಗುರಿಯಿದೆ. ಒಂದು ಸ್ವಸಹಾಯ ಸಂಘದಲ್ಲಿ ಎಷ್ಟು ಸದಸ್ಯರಿಗೆ ಎಷ್ಟು ಹಸು ವಿತರಿಸಬೇಕು. ಹಾಲಿನಿಂದ ಬಂದ ಲಾಭದ ಹಣವನ್ನು ಕೇವಲ ಫಲಾನುಭವಿಗಳಿಗೆ ಮಾತ್ರ ನೀಡಬೇಕ ? ಅಥವಾ ಎಲ್ಲ ಸಂಘದ ಸದಸ್ಯರಿಗೆ ಕೊಡಬೇಕ ಎಂಬ ಚರ್ಚೆಯಿದೆ. ಹಸುಗಳು ಪಡೆದವರು ಅವುಗಳ ಪೋಷಣೆ ಮಾಡಲು ಯೋಗ್ಯರೇ ? ಸೇರಿದಂತೆ ನಾನಾ ಪ್ರಶ್ನೆಗಳು ಅಧಿಕಾರಿಗಳ ಮುಂದಿದೆ. ಒಟ್ಟಾರೆ, ಹಸುಗಳು ವಿತರಣೆ ಮಾತ್ರ ಮಹಿಳಾ ಸ್ವಸಹಾಯ ಸಂಘಗಳಿ ನೀಡುವುದು ಮಾತ್ರ ಖಂಡಿತ. ನಿರ್ವಹಣೆ ಹಾಗೂ ಲಾಭವನ್ನು ಹೇಗೆ ಸದ್ಬಳಕೆ ಮಾಡಿಕೊಳ್ಳಬೇಕು ಎಂಬುದರ ಬಗ್ಗೆ ಉನ್ನತಮಟ್ಟದ ಅಧಿಕಾರಿಗಳ ಜತೆ ಚರ್ಚೆ ನಡೆಯುತ್ತಿದೆ ಎಂದು ಪಶು ಸಂಗೋಪನಾ ಇಲಾಖೆಯ ಅಧಿಕಾರಿ ತಿಳಿಸಿದರು.

ಬಾಕ್ಸ್ : ಸದ್ಯ, ತಾಲೂಕಿನ ಕೊಳಗಲ್ ಗ್ರಾಮದಲ್ಲಿ ಹದಿನೈದು ಎಕರೆ ಪ್ರದೇಶದಲ್ಲಿ ನಿರ್ಮಾಣಗೊಳ್ಳಲು ಉದ್ದೇಶಿಸಿರುವ ಮೆಗಾಡೇರಿ ಭವಿಷ್ಯ ಈ ಯೋಜನೆಯ ಅನುಷ್ಠಾನದ ಮೇಲೆ ನಿಂತಿದೆ. ಕೆಎಂಆರ್‌ಸಿ ಹಾಗೂ ರಾಬಕೊವಿ ಒಕ್ಕೂಟದಿಂದ 160 ಕೋಟಿ ರೂ. ವೆಚ್ಚದಲ್ಲಿ ನಿತ್ಯ ನಾಲ್ಕು ಲಕ್ಷ ಲೀ. ಹಾಲು ಉತ್ಪಾದಿಸುವ ಗುರಿ ಹೊಂದಿದೆ. ಆದರೆ, ನಿತ್ಯ ನಾಲ್ಕು ಲಕ್ಷ ಲೀ. ಉತ್ಪಾದನೆಯಾಗುವಷ್ಟು ಹಾಲು ಉತ್ಪಾದಕ ಸಂಘಗಳಿವೆ ಎಂಬುದಾಗಿ ಜಿಲ್ಲಾಡಳಿತವೂ ಒಕ್ಕೂಟವನ್ನು ಪ್ರಶ್ನಿಸಿದೆ. ಆದ್ದರಿಂದ, ಸದ್ಯ, ರಾಬಕೊವಿ ಒಕ್ಕೂಟದಲ್ಲಿ ನಾಲ್ಕು ಜಿಲ್ಲೆಗಳಿಂದ 2.20 ಲಕ್ಷ ಲೀ. ಹಾಲು ಉತ್ಪಾದನೆಯಾಗುತ್ತಿದ್ದು, ಈ ಯೋಜನೆಯಿಂದ ಹಸುಗಳು ವಿತರಣೆಯಾದರೆ ನಾಲ್ಕು ಲಕ್ಷ ಲೀ. ಹಾಲು ಉತ್ಪಾದನೆಯಾಗಲಿದೆ ಎಂಬ ಒಕ್ಕೂಟದ ಅಧಿಕಾರಿಗಳು ಪ್ರಸ್ತಾಪಿಸಿದ್ದಾರೆ. ಒಟ್ಟಾರೆ, ಮೆಗಾಡೇರಿ ನಿರ್ಮಾಣದ ಭವಿಷ್ಯ ಹಸುಗಳ ವಿತರಣೆಯ ಮೇಲಿದೆ.

ಕೋಟ್... ಕೆಎಂಆರ್‌ಸಿ ಅನುದಾನದಲ್ಲಿ ಮಹಿಳಾ ಸ್ವಸಹಾಯ ಸಂಘಗಳಿಗೆ ಹಸುಗಳು ವಿತರಿಸಲು ಉದ್ದೇಶಿಸಲಾಗಿದೆ. ಆದರೆ, ಸಂಘಗಳಿಗೆ ಯಾವ ರೀತಿಯಲ್ಲಿ ನೀಡಬೇಕು ಸೇರಿದಂತೆ ಕೆಲ ಚರ್ಚೆ ನಡೆಯುತ್ತಿದೆ.

- ನಾಗೇಂದ್ರ ಪ್ರಸಾದ್ ಕೆ., ಡಿಸಿ, ಬಳ್ಳಾರಿ.