ತುಂಗಭದ್ರಾ ನದಿ ದಂಡೆಯ ಗಂಗಮ್ಮ ಕಟ್ಟೆಯಿಂದ ಮೆರವಣಿಗೆ ನಡೆಯಿತು. ಮೂವರು ಭಕ್ತೆಯರು 12ಅಡಿ ಉದ್ದದ ತ್ರಿಶೂಲ ಶಸ್ತ್ರವನ್ನು ಬಾಯಿಗೆ ಹಾಕಿಕೊಂಡಿದ್ದರು.

ಕೆಲ ಭಕ್ತರು ಬೆನ್ನಿಗೆ ಕಬ್ಬಿಣದ ಕೊಕ್ಕೆ ಸಿಕ್ಕಿಸಿಕೊಂಡು ಗುಂಡು ಅಸ್ತ್ರ, ಸಣ್ಣತೇರು ಅಸ್ತ್ರ, ಆಟೋ ಅಸ್ತ್ರ, ರಾಕೆಟ್ ಅಸ್ತ್ರ ಧರಿಸಿ ಭಕ್ತಿ ಅರ್ಪಿಸಿದರು. ತಮಿಳುನಾಡಿನ ವಾದ್ಯ ಕಲಾವಿದರು ಪಂಬೈ ಮತ್ತು ಡೆಮೈ(ಪಂಪಕಾರ್)ವಾದ್ಯ ನುಡಿಸಿ ಗಮನ ಸೆಳೆದರು. ಏ.24ರಂದು ಕಂಕಣಧಾರಣ, ಧ್ವಜಾರೋಹಣ, ಏ.27ರಂದು ಅಗ್ನಿಕುಂಭೋತ್ಸವ ನಡೆದವು.

ಕಂಪ್ಲಿ ಮೀನುಗಾರರ ಸಹಕಾರ ಸಂಘದ ಅಧ್ಯಕ್ಷ ಎಂ.ರಾಜೇಶ, ಮಾಜಿ ಅಧ್ಯಕ್ಷ ಎಸ್.ಆರ್.ಚಿನ್ನರಾಜು, ಪ್ರಮುಖರಾದ ಟಿ.ಮಣಿ, ಸ್ವಾಮಿ ದೊರೈ, ಗುರುಮೂರ್ತಿ, ಗಣೇಶ್, ಎಂ.ರಾಜಾ ಇತರರಿದ್ದರು.