ಸಿಎನ್‌ಜಿ ಘಟಕ ಮರು ಆರಂಭಕ್ಕೆ ಆಗ್ರಹ

ಯೂನಿಯನ್‌ನ ತಾಲೂಕು ಸಮಿತಿ ಅಧ್ಯಕ್ಷ ಮಂಜು ಮಯೂರ ಮಾತನಾಡಿ, ಈ ಬಂಕ್‌ನ ಸಿಎನ್‌ಜಿ ಘಟಕವನ್ನೇ ನಂಬಿಕೊಂಡು ಯುವಕರು ಸಿಎನ್‌ಜಿ ಚಾಲಿತ ಆಟೋ ಮತ್ತು ಕಾರುಗಳನ್ನು ಖರೀದಿಸಿ ಸ್ವಯಂ ಉದ್ಯೋಗ ಮಾಡುತ್ತಿದ್ದಾರೆ. ಘಟಕ ಸ್ಥಗಿತಗೊಂಡು ಎರಡು ತಿಂಗಳು ಕಳೆದರೂ ಇಂಧನ ಪೂರೈಕೆ ಆರಂಭವಾಗಿಲ್ಲ. ಹೀಗಾಗಿ ಅನಿವಾರ್ಯವಾಗಿ ಪರ್ಯಾಯ ಹಾಗೂ ಹೆಚ್ಚಿನ ದರದ ಇಂಧನದ ಮೊರೆ ಹೋಗಬೇಕಾಗಿದ್ದು, ಚಾಲಕರು ಮತ್ತು ಮಾಲೀಕರು ತೀವ್ರ ಆರ್ಥಿಕ ಸಂಕಷ್ಟಕ್ಕೆ ಸಿಲುಕಿದ್ದಾರೆ ಎಂದರು.

ಮನವಿ ಸಲ್ಲಿಕೆಯ ವೇಳೆ ಬಂಕ್ ಮಾಲೀಕ ಕೊಟ್ರಯ್ಯ, ಕಾರ್ಮಿಕ ಮುಖಂಡರಾದ ಸಿ.ವಿರೂಪಾಕ್ಷಪ್ಪ, ನಲ್ಲಮುತ್ತಿ ದುರುಗೇಶ್, ಡಿ.ಚೌಡಪ್ಪ, ರಾಮು, ನಾಗರಾಜ, ಮಲ್ಲಿಕಾರ್ಜುನ, ಮಂಜುನಾಥ, ಕೋಟೆಪ್ಪ, ಅಂಜಿನಪ್ಪ ಸೇರಿದಂತೆ ಹಲವರು ಉಪಸ್ಥಿತರಿದ್ದರು.