ನಗರದ ಪತ್ರಿಕಾಭವನದಲ್ಲಿ ಬುಧವಾರ ಆಯೋಜಿಸಿದ್ದ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದರು. ವಿಮುಕ್ತ ದೇವದಾಸಿ ಮಹಿಳೆಯರ ಬಹಳ ದೊಡ್ಡ ಸಂಖ್ಯೆಯಲ್ಲಿನ ಹಿರಿಯ ಮಹಿಳೆಯರು ಈಗಾಗಲೇ ಮೃತಪಟ್ಟಿದ್ದಾರೆ. ಅವರಿಗೆ ಯಾವುದೇ ಸೌಲಭ್ಯಗಳು ಸವಲತ್ತುಗಳು ಸಿಗದೆ ಆ ಪದ್ಧತಿಯಲ್ಲಿಯೇ ನಲುಗಿದ್ದಾರೆ. ಈ ಮಹಿಳೆಯರ ಮಕ್ಕಳು ಮೊಮ್ಮಕ್ಕಳನ್ನು ಕೂಡ ಗಣತಿಯಲ್ಲಿ ಸೇರಿಸಿಕೊಳ್ಳುವುದಕ್ಕೆ 108 ದಾಖಲಾತಿ ಕೇಳುವ ಮೂಲಕ ಗಣತಿಗೆ ಪರಿಗಣಿಸಿಲ್ಲ. ಸದ್ಯ, ಪೂರ್ಣಗೊಂಡಿರುವ ಸಮೀಕ್ಷೆಯಲ್ಲಿ ಕೇವಲ 23,285 ವಿಮುಕ್ತ ದೇವದಾಸಿಯರೆಂದು ಗುರುತಿಸಿದೆ. ಆದರೂ, ಈ ಸಮೀಕ್ಷೆಯನ್ನು ತಿರಸ್ಕಾರ ಮಾಡುವಂತಿಲ್ಲ. ಸಮೀಕ್ಷೆಯಿಂದ ಹೊರ ಉಳಿದ ಮಹಿಳೆಯರ ಎರಡು, ಮೂರು ತಲೆಮಾರಿನ ಕುಟುಂಬಗಳನ್ನು ಒಳಗೊಳ್ಳುವುದಕ್ಕೆ ಈ ಸಮೀಕ್ಷೆಯನ್ನು ಮುಂದುವರಿಸಬೇಕು ಎಂದು ಆಗ್ರಹಿಸಿದರು. ಪದಾಧಿಕಾರಿಗಳಾದ ಬಿ.ಮಾಳಮ್ಮ, ಎ.ಸ್ವಾಮಿ, ಈರಮ್ಮ, ಸಿ.ವೀರೇಶ್ ಇದ್ದರು.
