ಸಮೀಪದ ತಿಪ್ಪೆಹಳ್ಳಿ ಬಳಿ ಚಿನ್ನಹಗರಿ ನದಿ ದಂಡೆಯಲ್ಲಿ ಮ್ಯಾಸಬೇಡ ಬುಡಕಟ್ಟು ಸಂಸ್ಕೃತಿ ಸಂರಕ್ಷಣಾ ಸಮಿತಿ ಮತ್ತು ಚಿನ್ನಹಗರಿ ಪ್ರಕಾಶನ ಹಾಗೂ ಗಾದ್ರಿ ಪಾಲನಾಯಕ ದೇವಸ್ಥಾನ ಅಭಿವೃದ್ಧಿ ಸಮಿತಿಯಿಂದ ಗುರುವಾರ ಆಯೋಜಿಸಿದ್ದ ಚಿನ್ನಹಗರಿ ಉತ್ಸವದಲ್ಲಿ ಮಾತನಾಡಿದರು.

ನದಿ ಪಾತ್ರದಲ್ಲಿ ವಾಸಿಸುವ ಬೇಡ ಬುಡಕಟ್ಟು ಜನರ ಪಾಲಿಗೆ ನದಿ ಪೂಜ್ಯನೀಯ ಸ್ಥಳವಾಗಿದ್ದು, ಪ್ರಾಚೀನ ಸಂಸ್ಕೃತಿ ಪರಂಪರೆಯನ್ನು ಮುಂದಿನ ತಲೆಮಾರಿಗೆ ಪರಿಚಯಿಸುವ ಕೆಲಸ ಮಾಡಬೇಕು. ಕಳೆದ 35-40 ವರ್ಷಗಳಿಂದ ನದಿಯಲ್ಲಿ ನೀರಿಲ್ಲದೆ ಬತ್ತಿಹೋಗಿತ್ತು.

3 ವರ್ಷದಿಂದ ಉತ್ತಮ ಮಳೆಯಾಗಿ ನದಿಯಲ್ಲಿ ನೀರು ಹರಿಯುವುದರಿಂದ ಮರುಜೀವ ಪಡೆದುಕೊಂಡಿರುವುದು ಈ ಭಾಗದಲ್ಲಿ ಜನರ ಪಾಲಿಗೆ ಸಂತಸ ತಂದಿದೆ. ಅಲ್ಲದೆ, ಕಳೆದ ಎರಡು ವರ್ಷಗಳು ಚಿನ್ನಹಗರಿ ಉತ್ಸವ ಆಚರಣೆ ಮೂಲಕ ಗತನೆನಪು ಮೇಳೈಸಿದೆ ಎಂದರು. ವಿವಿಧ ಕ್ಷೇತ್ರದಲ್ಲಿ ಸೇವೆ ಮಾಡಿದ ಗಣ್ಯರಿಗೆ ಸನ್ಮಾನಿಸಲಾಯಿತು.

ವಿಚಾರ ಸಂಕೀರಣ: ಚಿನ್ನಹಗರಿ ನದಿಯ ಇತಿಹಾಸ, ಸಂಸ್ಕೃತಿ ಪರಂಪರೆ ಕುರಿತು ಸಂಶೋಧಕರಾದ ಗುಜರಾತಿನ ಕು.ವೃಂದಾ, ಜಾರ್ಖಂಡ ಓರಾಮ್, ಅದಿವಾಸಿ ಸಮುದಾಯದ ಸಂಶೋಧಕಿ ಶ್ವೇತಾ ವಿಚಾರ ಸಂಕೀರಣದಲ್ಲಿ ಪ್ರಬಂಧ ಮಂಡಿಸಿದರು.

ಮೊಳಕಾಲ್ಮೂರು, ಚಳ್ಳಕೆರೆ, ಜಗಳೂರು, ಕೂಡ್ಲಿಗಿ ತಾಲೂಕಿನ ಬೇಡ ಬುಡಕಟ್ಟಿನ ಹಿರಿಯ ದಾಸಯ್ಯಗಳು, ಪೂಜಾರಿಗಳು, ಕಿಲಾರಿಗಳು, ಜನಪ್ರತಿನಿಧಿಗಳು, ಸಾರ್ವಜನಿಕರು ಭಾಗವಹಿಸಿದ್ದರು.