ಬಾರದ ಬೆಳೆ ವಿಮೆ ಪರಿಹಾರ

ವರ್ಷದಿಂದ ವರ್ಷಕ್ಕೆ ಹೆಚ್ಚಳ : 202-23ನೇ ಮುಂಗಾರಿನಲ್ಲಿ 4,023 ರೈತರು ವಿಮೆ ಪಾವತಿಸಿದ್ದು, ಈ ಪೈಕಿ 1,766 ರೈತರಿಗೆ 4.26 ಕೋಟಿ ರೂ., 2022-23ನೇ ಹಿಂಗಾರು / ಬೇಸಿಗೆಯಲ್ಲಿ 716 ರೈತರ ಪೈಕಿ 558 ರೈತರಿಗೆ 1.50 ಕೋಟಿ ರೂ., 2023-24ನೇ ಸಾಲಿನ ಮುಂಗಾರು 4,757 ರೈತರ ಪೈಕಿ 3,210 ರೈತರಿಗೆ 7.58 ಕೋಟಿ ರೂ., 2023-24ನೇ ಹಿಂಗಾರು / ಬೇಸಿಗೆಯಲ್ಲಿ 5890 ರೈತರ ಪೈಕಿ 2009 ರೈತರಿಗೆ 5.16 ಕೋಟಿ ರೂ., 2024-25ನೇ ಮುಂಗಾರಿನಲ್ಲಿ 15,974 ರೈತರ ಪೈಕಿ 5,401 ರೈತರಿಗೆ 9.11 ಕೋಟಿ ರೂ., 2024-25ನೇ ಹಿಂಗಾರು /ಬೇಸಿಗೆಯಲ್ಲಿ 5608 ರೈತರ ಪೈಕಿ 3,093 ರೈತರಿಗೆ 5.17 ಕೋಟಿ ರೂ. 2025-26 ಮುಂಗಾರಿನಲ್ಲಿ 11,710 ರೈತರ ಪೈಕಿ ಕೇವಲ 148 ರೈತರಿಗೆ 26.18 ಲಕ್ಷ ರೂ. ಬಿಡುಗಡೆಯಾಗಿದೆ.

2025-26ನೇ ಸಾಲಿನ ಮುಂಗಾರಿನ 9080 ರೈತರು ಹಾಗೂ 2025-26ನೇ ಹಿಂಗಾರು/ಬೇಸಿಗೆಯಲ್ಲಿ 3090 ನೋಂದಾಯಿಸಿದ್ದು ಸೇರಿ ಒಟ್ಟು 12,710 ರೈತರಿಗೆ ವಿಮೆ ಹಣ ಬಿಡುಗೆಡೆಯಾಗಬೇಕಿದೆ. ಬಿಮಾ ಯೋಜನೆಯಡಿ ಜಿಲ್ಲೆಗೆ ಟಾಟಾ ಎಐಜಿ ಇನ್ಸೂರೆನ್ಸ್ ಕಂಪನಿಯೂ ರೈತರಿಗೆ ವಿಮಾ ಹಣವನ್ನು ಕಂತು ರೂಪದಲ್ಲಿ ಪಾವತಿಸಿಕೊಂಡಿದೆ. ಸದ್ಯ, ಈ ಕಂಪನಿಯೇ ರೈತರ ಖಾತೆಗಳಿಗೆ ಹಣ ಜಮೆ ಮಾಡಬೇಕಿದೆ.

ತಂತ್ರಜ್ಞಾನ ಮಾದರಿ ಹಿನ್ನೆಲೆ ವಿಳಂಬ : ರಾಜ್ಯದಲ್ಲಿ ಭತ್ತದ ಬೆಳೆ ವಿಮೆ ಇತ್ಯರ್ಥಕ್ಕೆ ಹೊಸ ತಂತ್ರಜ್ಞಾನ ಆಧಾರಿತ ಯೆಸ್-ಟೆಕ್ ಮಾದರಿಯಲ್ಲಿ ಭತ್ತದ ಇಳುವರಿಯನ್ನು ನಿಖರವಾಗಿ ಪರಿಗಣಿಸಲು ಈ ಹೊಸ ಮಾದರಿ ಪ್ರಕ್ರಿಯೆಗೊಳಿಸಲಾಗುತ್ತಿದೆ. ಸದ್ಯ ಪ್ರಕ್ರಿಯೆ ಪ್ರಸ್ತುತ ಪ್ರಗತಿಯಲ್ಲಿದ್ದು, ಇದು ಪೂರ್ಣಗೊಂಡ ತಕ್ಷಣವೇ ರೈತರ ಖಾತೆಗಳಿಗೆ ವಿಮಾ ಹಣ ಬಿಡುಗಡೆಯಾಗಲಿದೆ. ಹೊಸ ತಂತ್ರಜ್ಞಾನವು ದೀರ್ಘಾವಧಿಯಲ್ಲಿ ಪಾರದರ್ಶಕತೆಗೆ ಸಹಕಾರಿಯಾಗಿದ್ದರೂ, ಸದ್ಯದ ವಿಳಂಬ ನೀತಿಯು ರೈತರನ್ನು ಮತ್ತಷ್ಟು ಚಿಂತೆಗೆ ದೂಡಿದೆ. ಸರ್ಕಾರ ಶೀಘ್ರವಾಗಿ ತಾಂತ್ರಿಕ ಸಮಸ್ಯೆಗಳನ್ನು ಬಗೆಹರಿಸಿ ಹಣ ಬಿಡುಗಡೆ ಮಾಡಬೇಕಿದೆ ಎಂಬುದು ರೈತರ ಆಗ್ರಹವಾಗಿದೆ.

ಬಾಕ್ಸ್ : 2024-25ನೇ ಸಾಲಿನ ಮುಂಗಾರು ಹಂಗಾಮಿನಲ್ಲಿ ಶೇಂಗಾ(1704), ಮೆಕ್ಕೆಜೋಳ (1286) ಹಾಗೂ ತೊಗರಿ (2314)ಬೆಳೆಗಳಿಗೆ ಬೆಳೆ ವಿಮೆ ಮಾಡಿದ ರೈತರಿಗೆ ಬೆಳೆ ವಿಮೆ ಪರಿಹಾರ ಬಾರದ ಕಾರಣ 2025-26ನೇ ಸಾಲಿನಲ್ಲಿ ಬೆಳೆ ವಿಮೆ ನೋಂದಣಿ ಪ್ರಗತಿ ಕುಂಠಿತಗೊಂಡಿತ್ತು. ಸದ್ಯ, ಪ್ರಸ್ತಕ ಸಾಲಿನ ನೋಂದಣಿ ಪ್ರಕ್ರಿಯೆ ಆರಂಭವಾಗಿದ್ದು, ಎಷ್ಟು ರೈತರು ನೋಂದಾಯಿಸಿಲಿದ್ದಾರೆ ಎಂಬುದು ಕಾದು ನೋಡಬೇಕಿದೆ.

===