ವಿದ್ಯಾನಗರದ ನಿವಾಸಿ ಇಲಿಯಾಸ್ ವಾಸೀಂ ಎಂಬವರು ಖಾಸಗಿ ಕಂಪನಿಯ ಅಕೌಟೆಂಟ್ ಆಗಿ ಕಾರ್ಯ ನಿರ್ವಹಿಸುತ್ತಿದ್ದಾರೆ. ವಿಜಯನಗರ ಸಾಮ್ರಾಜ್ಯ, ದೆಹಲಿ ಸುಲ್ತಾನರು, ಬಹುಮನಿ, ಮೈಸೂರು ಒಡೆಯರ ಕಾಲದಲ್ಲಿ ಬಳಸುತ್ತಿದ್ದ ನಾಣ್ಯಗಳು ಹಾಗೂ ದೇಶದ ಮೊದಲ ನಯಾ ಪೈಸೆಯಿಂದ ಹಿಡಿದು ಪ್ರಸ್ತುತ ಚಲಾವಣೆ ನೋಟಿನವರೆಗೂ ಸಂಗ್ರಹಿಸಿ ಇಟ್ಟಿಕೊಂಡಿದ್ದಾರೆ. ವಾಸೀಂ ಅವರು ಕಳೆದ ಕೆಲ ವರ್ಷಗಳ ಹಿಂದೆ ಖಾಸಗಿ ಶುದ್ಧ ನೀರು ಘಟಕದಲ್ಲಿನ ನಾಣ್ಯಗಳ ಸಂಗ್ರಹಣೆಯಿಂದ ಹವ್ಯಾಸ ಬೆಳೆಸಿಕೊಂಡಿದ್ದಾರೆ. ವರ್ಷದಿಂದ ವರ್ಷಕ್ಕೆ ದೇಶ ವಿದೇಶಗಳ ನಾಣ್ಯ - ನೋಟುಗಳನ್ನು ಸಂಗ್ರಹಿಸುತ್ತಿದ್ದಾರೆ. ಅಮೆರಿಕಾ, ಆಸ್ಟ್ರೇಲಿಯಾ, ಬಾಂಗ್ಲಾದೇಶ, ಜಪಾನ್, ನೇಪಾಳ, ದಕ್ಷಿಣ ಆಫ್ರಿಕಾ ಸೇರಿದಂತೆ ಅನೇಕ ರಾಷ್ಟ್ರಗಳ ನಾಣ್ಯಗಳ ಸಂಗ್ರಹಿಸಿರುವುದು ವಿಶೇಷವಾಗಿದೆ.
