ಅಂಗನವಾಡಿ ಕೇಂದ್ರಗಳಿಗೆ ಭೇಟಿ ಕೊಡುವುದು, ಪಡಿತರ ಗುಣಮಟ್ಟ, ತೂಕ ವೀಕ್ಷಿಸುವುದು, ಅಪೌಷ್ಟಿಕ ಮಕ್ಕಳ ಸ್ಥಿತಿಗತಿ ಅರಿಯವುದು, ಬಾಲ್ಯ ವಿವಾಹ ತಡೆಯುವುದು, ತಿಂಗಳ ವರದಿ ಸಿದ್ಧಪಡಿಸುವುದು, ಇಲಾಖಾ ಸಭೆಗಳಿಗೆ ಹಾಜರಾಗುವುದು, ಮಕ್ಕಳು, ಬಾಲಕಿಯರ ಪೌಷ್ಟಿಕತೆ ಮೇಲೆ ನಿಗಾ ವಹಿಸುವುದು, ತಾಯಂದಿರ ಸಭೆ ನಡೆಸುವುದು, ಪಡಿತರ ಸಮರ್ಪಕ ವಿತರಣೆಗೆ ನಿಗಾವಹಿಸುವುದು, ಹಾಳಾದ ಅವಧಿ ಮೀರಿದ ಪಡಿತರ ಕುರಿತು ಗಮನಿಸುವುದು, ಮಾತೃವಂದನ, ಭಾಗ್ಯಲಕ್ಷ್ಮಿ, ಗೃಹಲಕ್ಷ್ಮಿ ಮೊದಲಾದ ಯೋಜನೆಗಳನ್ನು ನಿರ್ವಹಿಸುವುದು, ಮಾತೃವಂದನೆ ಗುರಿ ಸಾಧಿಸುವುದು ಸೇರಿದಂತೆ ಹಲವಾರು ಯೋಜನೆಗಳ ಕುರಿತು ಅಂಗನವಾಡಿ ಕೇಂದ್ರಗಳಿಗೆ ತೆರಳಿ ಮೇಲ್ವಿಚಾರಣೆ ನಡೆಸಬೇಕಿದೆ. ಇದರೊಟ್ಟಿಗೆ ಐದು ಕೇಂದ್ರಗಳ ಮಾಹಿತಿ ಸಂಗ್ರಹಿಸಿ ನಾನಾ ಕಚೇರಿಗಳಿಗೆ ಒದಗಿಸಬೇಕು. ಐದು ವಲಯಗಳ ಇಷ್ಟೆಲ್ಲ ಕಾರ್ಯಗಳನ್ನು ಒಬ್ಬ ಮಹಿಳಾ ಮೇಲ್ವಿಚಾರಕಿ ಪರಿಣಾಮಕಾರಿಯಾಗಿ ಸಕಾಲಕ್ಕೆ ನಿರ್ವಹಿಸಲು ಸಾಧ್ಯವೇ ಎನ್ನುವ ಪ್ರಶ್ನೆ ಉದ್ಭವಿಸುವುದು ಸಹಜ.
