ಶೌಚಾಲಯ ಶೋಚನೀಯ : ಜಿಲ್ಲಾ ಕೇಂದ್ರಕ್ಕೆ ನಿತ್ಯ ಐದು ತಾಲೂಕುಗಳಿಂದ ಸೇರಿ ವ್ಯಾಪಾರ ವಹಿವಾಟು, ಸರ್ಕಾರಿ ಕೆಲಸ ಸೇರಿದಂತೆ ನಾನಾ ಕಾರಣಗಳಿಂದ ಸಾವಿರಾರು ಜನರು ಭೇಟಿ ನೀಡುವುದು ಸಾಮಾನ್ಯವಾಗಿದೆ. ಆದರೆ, ನಗರಕ್ಕೆ ಭೇಟಿ ನೀಡುವ ಜನತೆ ಬಯಲನ್ನೇ ಅವಲಂಬಿಸುವಂತೆಯಾಗಿದೆ. ನಗರದಲ್ಲಿ ಖಾಲಿ ಸ್ಥಳ, ಹಳೆ ಕಟ್ಟಡಗಳು, ಗಿಡ, ಮರಗಳ ಬಳಿ ಶೌಚಕ್ಕೆ ತೆರಳುವುದು ಸಾಮಾನ್ಯವಾಗಿದೆ. ಇನ್ನೂ ಮಹಾನಗರ ಪಾಲಿಕೆ ವ್ಯಾಪ್ತಿಯ 39 ವಾರ್ಡ್ಗಳಲ್ಲಿ ಸೇರಿ ಒಟ್ಟು 87 ಶೌಚಾಲಯಗಳಿದ್ದು, ಈ ಪೈಕಿ ಒಂಬತ್ತು ಸಾರ್ವಜನಿಕ ಬಳಕೆಯಲ್ಲಿವೆ. ಅದರ ಹೊರತಾಗಿ 14 ಶೌಚಾಲಯ ಕಟ್ಟಡಗಳು ಸಂಪೂರ್ಣ ದುರಸ್ತಿಯಲ್ಲಿದ್ದು, ತೆರವಿಗೆ ನಿರ್ಧರಿಸಿದರೆ, ಇನ್ನೂ 22 ಶೌಚಾಲಯ ಕಟ್ಟಡಗಳು ನಿರ್ವಹಣೆ, ದುರಸ್ತಿಯಿಂದಾಗಿ ಸಾರ್ವಜನಿಕರ ಬಳಕೆಯಿಂದ ದೂರ ಉಳಿದಿವೆ. ಮತ್ತೋಂದೆಡೆ 42 ಸಾರ್ವಜನಿಕ ಶೌಚಾಲಯ ಕಟ್ಟಡಗಳಿದ್ದು, ಅದರಲ್ಲಿ 30 ಬಳಕೆಯಲ್ಲಿವೆ. ಇನ್ನೂ 12 ಶೌಚಾಲಯಗಳು ನಿರುಪಯುಕ್ತವಾಗಿವೆ.
