ಸೇತುವೆಯಿಂದ ದೇವಸ್ಥಾನದ ಪರಿಸರಕ್ಕೆ ಧಕ್ಕೆ

ಸಮಿತಿ ಮೇಲ್ವಿಚಾರಕ ಎಚ್.ಗವಿಸಿದ್ದಪ್ಪ ಮಾತನಾಡಿ, ವಿಜಯನಗರ ಕಾಲುವೆ ಸೇತುವೆ ನಿರ್ಮಾಣಕ್ಕಾಗಿ ಉತ್ತರ ಭಾಗಕ್ಕೆ 10ಅಡಿ ರಸ್ತೆ ಜಾಗ ಒತ್ತುವರಿ ಮಾಡಿ ಸೇತುವೆ ನಿರ್ಮಿಸುತ್ತಿರುವುದು ಅವೈಜ್ಞಾನಿಕವಾಗಿದೆ. ದಕ್ಷಿಣಕ್ಕೆ ನಿರ್ಮಿಸಬೇಕಾದ ರಸ್ತೆಯನ್ನು ಉತ್ತರಕ್ಕೆ ಅಕ್ರಮಿಸಿದ್ದರಿಂದ ದೇವಸ್ಥಾನದ ಪರಿಸರಕ್ಕೆ ಧಕ್ಕೆಯಾಗುತ್ತಿದೆ. ಕೂಡಲೇ ಕಾಮಗಾರಿ ಸ್ಥಗಿತಗೊಳಿಸಬೇಕು. ದೇವಸ್ಥಾನದಿಂದ 10 ಅಡಿ ಅಂತರದಲ್ಲಿ ಸೇತುವೆ ನಿರ್ಮಿಸಬೇಕು. ಇಲ್ಲದಿದ್ದಲ್ಲಿ ಹೋರಾಟ ಕೈಗೊಳ್ಳಲಾಗುವುದು ಎಂದು ಎಚ್ಚರಿಸಿದರು.

ರೈತ ಸಂಘದ ಜಿಲ್ಲಾಧ್ಯಕ್ಷ ಬಿ.ವಿ.ಗೌಡ ಮಾತನಾಡಿ, ದೇವಸ್ಥಾನದ ಪಕ್ಕದಲ್ಲಿಯೇ ಸೇತುವೆ ನಿರ್ಮಿಸುವುದರಿಂದ ಕೃಷಿ ಚಟುವಟಿಕೆಗಳಿಗಾಗಿ ಟ್ರ್ಯಾಕ್ಟರ್, ಚಕ್ಕಡಿ, ದ್ವಿಚಕ್ರ ವಾಹನಗಳು ಸಂಚರಿಸುವುದರಿಂದ ಮಾಗಾಣಿ ರಸ್ತೆಗೆ ತೊಂದರೆಯಾಗಲಿದೆ. ಆದ್ದರಿಂದ ಸೇತುವೆಯನ್ನು ದಕ್ಷಿಣಕ್ಕೆ ವಿಸ್ತರಿಸಬೇಕು. ಮೂರು ದಿನಗಳಲ್ಲಿ ಸೇತುವೆ ಕಾಮಗಾರಿ ಸ್ಥಳಂತರಿಸದಿದ್ದರೆ ಬೃಹತ್ ಹೋರಾಟ ಕೈಗೊಳ್ಳಲಾಗುವುದು ಎಂದು ಎಚ್ಚರಿಸಿದರು.

ಪ್ರಮುಖರಾದ ಎನ್.ತಿಮ್ಮಪ್ಪ ನಾಯಕ, ಕೊಟ್ಟೂರು ರಮೇಶ, ಡಾ.ರಾಮು, ಅಳ್ಳಿ ನಾಗಪ್ಪ, ಡಿ.ಎ.ರುದ್ರಪ್ಪ, ಪುಟ್ಟಿ ಸಚಿನ್, ಎಂ.ಶ್ರೀನಿವಾಸ, ಎನ್.ಎಂ.ಪತ್ರೆಯ್ಯಸ್ವಾಮಿ, ನಡವಿ ಮಲ್ಲಿಕಾರ್ಜುನ, ವೀರಾಂಜನೇಯಲು, ಎಲ್‌ಐಸಿ ಈರಣ್ಣ, ಗೌಳೇರು ಶೇಖರಪ್ಪ, ಮಣ್ಣೂರು ಶಿವಪ್ಪ, ಉಗಾದಿ ಬಸವರಾಜ, ಎಸ್.ವಿ.ಗೋವಿಂದರಾಜು, ಚಿತ್ರಗಾರ ರಾಜಾರಾಮ್, ಜೋಳಮಾರೋ ಈರಪ್ಪ, ಜಂಗಾ ಸಣ್ಣನಾಗರಾಜ, ಬಣಗಾರ ಬಸವರಾಜ ಇತರರಿದ್ದರು.