ಸುಗಮ ಸಂಚಾರಕ್ಕೆ ಸೇತುವೆ ಅನುಕೂಲ

ಚಿಕ್ಕಜೋಗಿಹಳ್ಳಿ ಹಾಗೂ ಸಿದ್ದಾಪುರ ರಸ್ತೆಯಲ್ಲಿ ಲೋಕೋಪಯೋಗಿ ಇಲಾಖೆಯಿಂದ 3 ಕೋಟಿ ರೂ. ವೆಚ್ಚದಲ್ಲಿ ಸೇತುವೆ ನಿರ್ಮಾಣ ಕಾಮಗಾರಿಗೆ ಸೋಮವಾರ ಶಾಸಕ ಡಾ.ಎನ್.ಟಿ.ಶ್ರೀನಿವಾಸ್ ಭೂಮಿಪೂಜೆ ನೆರವೇರಿಸಿ ಮಾತನಾಡಿದರು. ದಶಕಗಳಿಂದ ಜನರು ಎದುರಿಸುತ್ತಿದ್ದ ಸಮಸ್ಯೆಗೆ ಶಾಶ್ವತ ಪರಿಹಾರ ಕಲ್ಪಿಸಲು ಚಿಕ್ಕಜೋಗಿಹಳ್ಳಿ ಹಾಗೂ ಸಿದ್ದಾಪುರ ರಸ್ತೆಯಲ್ಲಿ ಎರಡು ಸೇತುವೆ ನಿರ್ಮಾಣಕ್ಕೆ 3ಕೋಟಿ ಅನುದಾನ ಬಿಡುಗಡೆ ಮಾಡಲಾಗಿದೆ. ಕಾನಹೊಸಹಳ್ಳಿ ರಸ್ತೆ ಹಾಳಾಗಿದ್ದು, ಮುಂದಿನ ದಿನಗಳಲ್ಲಿ ಅನುದಾನ ನೀಡಲಾಗುವುದು. ತಾಲೂಕಿನ ಎಲ್ಲ ರಾಜ್ಯ ರಸ್ತೆ, ಜಿಲ್ಲಾ ಮುಖ್ಯ ರಸ್ತೆ ಹಾಗೂ ಗ್ರಾಮೀಣ ರಸ್ತೆಗಳಿಗೆ ನಿರಂತರ ಉನ್ನತಿಕರಣ ನಡೆದಿದೆ. ಈ ವರ್ಷ ಹೆಚ್ಚಿನ ಕಾಮಗಾರಿಗಳಿಗೆ ಆದ್ಯತೆ ನೀಡಲಾಗುವುದು ಎಂದರು.

ಗ್ರಾಪಂ ಕಾರ್ಯದರ್ಶಿ ಯು.ಎಂ.ಪ್ರಕಾಶ್, ಪಿಡಬ್ಲ್ಯುಡಿ ಎಇಇ ಜಿ.ಬಸವಾರೆಡ್ಡಿ, ಎಪಿಎಂಸಿ ಅಧ್ಯಕ್ಷ ಕುರಿಹಟ್ಟಿ ಬೋಸಯ್ಯ, ನಿವೃತ್ತಿ ಶಿಕ್ಷಕ ತಳವಾರ ಶರಣಪ್ಪ, ಪ್ರಮುಖರಾದ ಡಿ.ಎಂ.ಜಯಕುಮಾರ್, ಜುಟ್ಟಲಿಂಗನಹಟ್ಟಿ ಬಸವರಾಜ, ಸಿಜೆಹಳ್ಳಿ ಧನಂಜಯ್, ರಹಮತ್, ಕೇಸರಿ ರಾಮಣ್ಣ, ಗುತ್ತಿಗೆದಾರ ರಘು ನಾಯ್ಕ, ಶೇಖರಪ್ಪ ಸಿದ್ದಾಪುರ, ಹನುಮಂತಪ್ಪ, ಬಸವರಾಜ್, ಪಸಲು ಪಾಲಯ್ಯ, ನಾಗರಾಜ್, ಯಂಬಳಿ ಮಂಜುನಾಥ್ ಇತರರಿದ್ದರು.