ವಸತಿ ಸೌಲಭ್ಯಕ್ಕಾಗಿ ಹರಪನಹಳ್ಳಿಯ ಹಿರೇಕೆರೆ ನಿವಾಸಿಗಳು ಸೋಮವಾರ ತಹಸೀಲ್ದಾರ್ ಬಿ.ವಿ. ಗಿರೀಶ್ ಬಾಬುಗೆ ಮನವಿ ಸಲ್ಲಿಸಿದರು. ಪ್ರಮುಖರಾದ ಸಿ ಅಸ್ಲಾಂ ಬಾಷಾ, ಆರ್. ದಾದಾಪೀರ್, ಎಚ್. ಅಸ್ಲಾಂಬಾಷಾ, ಶಂಕರ, ಗಣೇಶ ಟಿ, ಅಬ್ದುಲ್ ರೆಹಮಾನ್, ಸುನಿತಾ, ಸಬ್ರೀನ್, ಮಾಬೂಬಿ, ದೇವಕ್ಕ, ಆರ್. ಮಹಮೂದ್ ಅಲಿ, ಮಂಜವ್ವ, ಹನುಮಕ್ಕ, ಟಿ. ಮಂಜುನಾಥ, ಟಿ. ನಾಗಮ್ಮ, ಎಚ್. ಆಶಾಭಿ, ಸಿ. ರಬಿಯಾ, ಕೆ. ಮರಿಯಮ್ಮ, ಎಚ್. ಚಮನ್ ಸಾಬ್ ಇದ್ದರು.
ಹರಪನಹಳ್ಳಿ: ನಿರ್ಗತಿಕ ಕುಟುಂಬಗಳಿಗೆ ವಸತಿ ಸೌಲಭ್ಯ ಕಲ್ಪಿಸಿಕೊಡುವಂತೆ ಒತ್ತಾಯಿಸಿ ನಗರದ ಹಿರೇಕೆರೆ ನಿವಾಸಿಗಳು ಸೋಮವಾರ ತಹಸೀಲ್ದಾರ್ ಬಿ.ವಿ. ಗಿರೀಶ್ ಬಾಬುಗೆ ಮನವಿ ಸಲ್ಲಿಸಿದರು.
ಈಗಿರುವ ಮನೆಗಳನ್ನು ಸರ್ಕಾರ ತೆರವುಗೊಳಿಸಿ ಆ ಸ್ಥಳದಲ್ಲಿ ವಾಣಿಜ್ಯ ಮಳಿಗೆಗಳನ್ನು ಮಾಡಲು ಸಿದ್ಧತೆ ನಡೆಸಿದ್ದು, ಕಳೆದ 50 ವರ್ಷಗಳಿಂದ ವಾಸವಾಗಿದ್ದ ಕುಟುಂಬಗಳು ಇದರಿಂದ ಬೀದಿಗೆ ಬೀಳುವ ಆತಂಕವಿದೆ. ಜನಪ್ರತಿನಿಧಿಗಳಿಗೆ ಶಾಶ್ವತವಾಗಿ ಸೂರು ಕಲ್ಪಿಸಿಕೊಡಲು ಹತ್ತಾರು ವರ್ಷಗಳಿಂದ ಒತ್ತಾಯಿಸುತ್ತಾ ಬರುತ್ತಿದ್ದರೂ ಪ್ರಯೋಜನವಾಗಿಲ್ಲ.
ಮೊದಲು ಎಲ್ಲ ಕುಟುಂಬಗಳಿಗೆ ನಿವೇಶನ ಒದಗಿಸಿ ನಂತರ ಮನೆಗಳ ತೆರವಿಗೆ ಮುಂದಾಗಬೇಕು. ಇಲ್ಲವಾದಲ್ಲಿ ಹೋರಾಟದ ಸ್ವರೂಪ ಬದಲಿಸ ಬೇಕಾಗುತ್ತದೆ ಎಂದು ಎಚ್ಚರಿಕೆ ನೀಡಿದರು.
